ନାଳ ସାଜୁଛି କାଳ

ବାଲିଗୁଡା (ବଡ଼ ଖବର ବ୍ୟୁରୋ):  ବିପଦ ସଙ୍କୁଳ ଅବସ୍ଥାରେ ଯାତାୟାତ କରୁଛନ୍ତି ଅଞ୍ଚଳବାସୀ। କନ୍ଧମାଳ ଜିଲ୍ଲା କ. ନୂଆଗାଁ ବ୍ଲକ ଗୁଞ୍ଜିବାଡି ପଞ୍ଚାୟତରେ ଦେଖିବାକୁ ମିଳିଛି ଏମିତି ଦୃଶ୍ୟ। ନାଳ ସେପଟେ ବଗାଡି, ସକାଲି, ମିନାମିଲୁ, ବଦାଲି, ଶ୍ରକପାଙ୍ଗ ରେ ପାଖାପାଖି ୧୦୦ ରୁ ଉର୍ଦ୍ଧ ପରିବାର ବସବାସ କରନ୍ତି। ନାଳ ଦେଇ ଯିବାଆସିବା କରନ୍ତି ଏହି ଅଞ୍ଚଳବାସୀ।

ବର୍ଷା ଦିନରେ ଯିବା ଆସିବା ପାଇଁ ନାଳ ସାଜୁଛି କାଳ। ଦୈନନ୍ଦିନ କାର୍ଯ୍ୟ, ସ୍କୁଲ, କଲେଜ, ଅଫିସ କାର୍ଯ୍ୟ ପାଇଁ ଏହି ନାଳ ପାର ଯିବାକୁ ପଡେ। ୨୦୦୬ ମସିହା ଠାରୁ ଏକ ସ୍ଥାୟୀ ପୋଲ ନିମନ୍ତେ ପ୍ରଶାସନକୁ ନିବେଦନ କଲେ ମଧ୍ୟ ଆଜି ପର୍ଯ୍ୟନ୍ତ ଫଳ ଶୂନ। ଏକ ସ୍ଥାୟୀ ପୋଲ ନିମନ୍ତେ ବର୍ତ୍ତମାନର ସରକାରଙ୍କୁ ନିବେଦନ କରିଛନ୍ତି ଅଞ୍ଚଳବାସୀ।