ବରୀ, (ବଡ଼ ଖବର ବ୍ୟୁରୋ): ଯାଜପୁର ଜିଲ୍ଲା ବରୀ ଅଞ୍ଚଳରେ ମାତିଛି ବୁଲାଷଣ୍ଢ । ଗୋଡାଇ ଗୋଡାଇ କରୁଛି ଆକ୍ରମଣ । ପୂର୍ବରୁ ବହୁ ଲୋକ ଆହତ ହୋଇଥଲେ । ବୁଧବାର ପୁଣି ଜଣେ ଆହତ ହୋଇଛନ୍ତି । ବାରମ୍ବାର ଅଭିଯୋଗ ପରେ ବି ପ୍ରଶାସନର ଦିନ ଭାଙ୍ଗୁନି । ବିଗତ ଦିନରେ ବୁଲା ଷଣ୍ଢ ଆକ୍ରମଣରେ ବରୀ ଅଞ୍ଚଳରେ ବିଭିନ୍ନ ଲୋକ ଗୁରୁତର ହୋଇ ମୃତ୍ୟୁବରଣ କରିଥିବା ନଜିର ରହିଛି । ଆଜି ଅରଙ୍ଗାବାଦ ପଞ୍ଚାୟତ କଣ୍ଠପୋଇ ଗ୍ରାମର ସୂର୍ୟ୍ୟକାନ୍ତ ଦାସ ବୁଲାଷଣ୍ଢ ଆକ୍ରମଣରେ ଗୁରୁତର ହୋଇଥିଲେ । ପରେ ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ବରୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି । ପ୍ରଶାସନ କୌଣସି ପଦକ୍ଷେପ ନେଉନଥିବାରୁ ଜଣକ ପରେ ଜଣେ ବ୍ୟକ୍ତି ଷଣ୍ଢ ଆକ୍ରମଣରେ ଗୁରୁତର ହେଉଛନ୍ତି । ପ୍ରଶାସନ ତୁରନ୍ତ ଏ ଦିଗରେ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି ।
