ଭଦ୍ରକ(ବଡ଼ ଖବର ବ୍ୟୁରୋ) : ଭଦ୍ରକର ଅଧିଷ୍ଠାତ୍ରୀ ଦେଵୀ ମା’ ଭଦ୍ରକାଳୀ ମହାଲକ୍ଷ୍ମୀ ବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି ।ଏଥିପାଇଁ ଚଳଚଞ୍ଚଳ ହୋଇଉଠିଥିଲା ମା’ ଭଦ୍ରକାଳୀଙ୍କ ପୀଠ । ପ୍ରଥମେ ସକାଳ ରୀତିନୀତି ଅନୁଯାୟୀ ପୂଜାର୍ଚ୍ଚନା ଆରମ୍ଭ ହୋଇଥିଲା । ପରେ ମା’ ମହାଲକ୍ଷ୍ମୀ ବେଶରେ ଦର୍ଶନ ଦେଇଥିଲେ । ସପ୍ତଚଣ୍ଡୀ ପୂଜାର ଶେଷ ଦିନରେ ପୁଣ୍ୟାହୂତି ଦିଆହୋଇଥାଏ । କରୋନା ପାଇଁ ଜିଲ୍ଲା ବାହାରୁ ଆସୁଥିବା ଶ୍ରଦ୍ଧାଳୁମାନେ ମା’ ଙ୍କର ଏହି ଦର୍ଶନରୁ ବଞ୍ଚିତ ହୋଇଛନ୍ତି । ସପ୍ତଚଣ୍ଡୀ ପୂଜାର ଶେଷ ଦିନରେ ମା’ ଙ୍କୁ ଦର୍ଶନ କଲେ ପରିବାରରେ ମଙ୍ଗଳ ହେବା ସହ ସମସ୍ତ ମନୋସ୍କାମନା ପୂରଣ ହୁଏ ବୋଲି ବିଶ୍ୱାସ ରହିଛି ।
