ଗଛରେ ପିଟି ହେଲା ବସ୍, ୧୦ ଆହତ

ଭଞ୍ଜନଗର (ବଡ଼ ଖବର ବ୍ୟୁରୋ): ଭଞ୍ଜନଗର ଘୁମୁସର ନୂଆଗାଁରେ ଦୁର୍ଘଟଣା । ବ୍ରିଜ ନିକଟରେ ଭାରସାମ୍ୟ ହରାଇ ଗଛରେ ପିଟି ହେଲେ ମିନି ବସ । ଭଞ୍ଜନଗରରୁ ବୁଗୁଡ଼ା ଯାଉଥିବା ବେଳେ ଦୁର୍ଘଟଣାର ଶିକାର ହୋଇଛି । ବସରେ ୫୦ ରୁ ଅଧିକ ଯାତ୍ରୀ ଥିଲେ । କିଛି ମହିଳା ଓ କଲେଜ ଛାତ୍ରୀ ଆହତ ହୋଇଥିବା ଜଣାପଡିଛି । ୧୦ ରୁ ଅଧିକ ଯାତ୍ରୀ ଆହତ ହୋଇଥିବା ପ୍ରାଥମିକ ସୂଚନା ମିଳିଛି ।

ସମସ୍ତଙ୍କୁ ଭଞ୍ଜନଗର ମେଡିକାଲରେ ଭର୍ତ୍ତି କରାଯାଇଛି । ବସ୍ ଚାଳକ ରାତିରେ ଦଣ୍ଡନାଚ ଦେଖି ରାତ୍ରି ଅନିଦ୍ରା ରହିଥିବାରୁ ଆଖି ପଡିଯାଇଥିଲା । ଏକ ଗଛରେ ବସ ଟି ପିଟି ହୋଇଥିଲା । ଫଳରେ ବସରେ ଯାତ୍ରା କରୁଥିବା କଲେଜ ଛାତ୍ରୀ, ଯାତ୍ରୀ, ଛୋଟ ଛୁଆ ଆହତ ହୋଇଛନ୍ତି । ଖବରପାଇ ଭଞ୍ଜନଗର ଅଗ୍ନିଶମ ବାହିନୀ ସେଠାରେ ପହଞ୍ଚି ଆହତମାନଙ୍କୁ ଭଞ୍ଜନଗର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଛି।