ଟ୍ରକ-ବାଇକ ମୁହାଁମୁହିଁ; ଘଟଣାସ୍ଥଳରେ ଦୁଇ ବାଇକ ଆରୋହୀଙ୍କ ମୃତ୍ୟୁ

ସୋର (ବଡ଼ ଖବର ବ୍ୟୁରୋ): ଟ୍ରକ-ବାଇକ ମୁହାଁମୁହିଁ, ୨ ମୃତ । ବାଲେଶ୍ୱର ୧୬ନଂ ଜାତୀୟ ରାଜପଥ ତଳନଗରରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଘଟଣାସ୍ଥଳରେ ବାଇକ ଆରୋହୀଙ୍କ ମୃତ୍ୟୁ ହୋଇଛି । ମୃତକ ହେଲେ ସୋର ମାଣତ୍ରୀ ଗାଁର ଅର୍ଜିତ ବେହେରା ଓ ଜଗନ୍ନାଥପୁର ଗାଁର ବଳରାମ ନାୟକ । ସୂଚନା ଅନୁସାରେ ସେମାନେ ରାତିରେ ତଳନଗରରୁ ଘରକୁ ଫେରୁଥିବା ସମୟରେ ଟ୍ରକ ସହ ଧକା ହୋଇଥିଲା ଘଟଣାସ୍ଥଳରେ ହିଁ ସେମାନଙ୍କର ମୃତ୍ୟୁ ହୋଇଛି । ସ୍ଥାନୀୟ ଲୋକେ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ସୋର ଡାକ୍ତରଖାନା କୁ ପଠାଇଥିଲେ। ସୋର ପୋଲିସ ଶବ ଜବତ କରି ବ୍ୟବଛେଦ ପାଇଁ ପଠାଇଛି ।