ବାସୁଦେବପୁରରେ ବିଜେଡିର ଶକ୍ତି ପ୍ରଦର୍ଶନ
ବାସୁଦେବପୁର (ବଡ଼ ଖବର ବ୍ୟୁରୋ): ବାସୁଦେବପୁର ନିର୍ବାଚନ ମଣ୍ଡଳୀର ଦେଖାଦେଲାଣି ରାଜନୈତିକ ଉଷ୍ମତା । ବିଜେଡି ପକ୍ଷରୁ ବିଶାଲ ରାଲି ହୋଇଥିଲା । ୨୧ ନମ୍ବର ଜିଲ୍ଲା ପରିଷଦ ଜୋନ ବାଲିମେଦ ପଞ୍ଚାୟତର ଗ୍ରାମ ଦେବତୀ ମାଆ ଭେଡାନାୟକାଣୀଡିହି ମନ୍ଦିରରେ ବିଧାୟକ ପ୍ରାର୍ଥୀ ବିଷ୍ଣୁବ୍ରତ ରାଉତରାୟ ପୂଜା ଅର୍ଚ୍ଚନା କରି ଏକ ବିରାଟ ମୋଟରସାଇକେଲ ଶୋଭାଯାତ୍ରାରେ ବାହାରିଥିଲେ ।
ବାଲିମେଦ ଛକରେ ବାଇକ ରାଲିରେ ଯୋଗ ଦେଇଥିଲେ ଭଦ୍ରକ ସାଂସଦ ପ୍ରାର୍ଥୀ ମଞ୍ଜୁଲତା ମଣ୍ଡଳ । ଶୋଭାଯାତ୍ରାର ଯୁବ ନେତା ଅସିତ କୁମାର ଦାଶ, ଭାଗିରଥି ବଳ, ପ୍ରଫୁଲ୍ଲ କୁମାର ପଳିତା,କୃଷ୍ଣ ଚନ୍ଦ୍ର ଘଡେଇ ପ୍ରମୁଖ ଯୋଗଦେଇଥିଲେ । ଏହି ବାଇକ ଶୋଭାଯାତ୍ରା ନାୟକାଣୀଡିହି, ଗୋବିନ୍ଦପୁର, ରାଜଘରପୋଖରୀ, ବାଲିମେଦ, ଆନ୍ଦୋଳା,କରଞ୍ଜଆଡିଆ ଓ ବିରସ ପଞ୍ଚାୟତର ହଜାର ହଜାର ଯୁବକ ବାଇକ ଶୋଭାଯାତ୍ରାର ଯୋଗ ଦେଇ ବିଜେଡିର ଶକ୍ତି ପ୍ରଦର୍ଶନ କରିଥିଲେ ।