ଦିଲ୍ଲୀରେ ବିଜେପିର ମ୍ୟାଜିକ୍
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀର ସମସ୍ତ ୭୦ଟି ବିଧାନସଭା ଆସନରେ ହୋଇଥିବା ନିର୍ବାଚନର ଭୋଟ ଗଣତି ଚାଲିଛି। ପ୍ରାରମ୍ଭିକ ଟ୍ରେଣ୍ଡରେ ବିଜେପି ବହୁମତ ହାସଲ କରିଛି। ବିଜେପି ୫୦ଟି ଆସନରେ ଆଗୁଆ ଅଛି। ଶାସକ ଆପ୍ ୧୯ଟି ଆସନରେ ଆଗୁଆ ଅଛି। କଂଗ୍ରେସ ଗୋଟିଏ ଆସନରେ ଆଗୁଆ ଅଛି। ଦିଲ୍ଲୀ ନିର୍ବାଚନରେ ବିଜେପି ଆଗୁଆ ଥିବା ପ୍ରାରମ୍ଭିକ ଟ୍ରେଣ୍ଡରେ ଦେଖାଯାଉଥିବା ବେଳେ, ବିଜେପି ଏମପି ଅତୁଲ ଗର୍ଗ କହିଛନ୍ତି ଯେ ବିଜେପି ୫୦% ରୁ ଅଧିକ ଭୋଟ ପାଇବ ଏବଂ ଦଳ ସରକାର ଗଠନ କରିବ।
ଦିଲ୍ଲୀ ବିଧାନସଭା ନିର୍ବାଚନ ପାଇଁ ଭୋଟ ଗଣତି ସକାଳ ୮ଟାରୁ ଆରମ୍ଭ ହୋଇଛି। ପ୍ରାରମ୍ଭିକ ଟ୍ରେଣ୍ଡରେ ବିଜେପି ମ୍ୟାଜିକ୍ ନମ୍ବର ଅତିକ୍ରମ କରିଥିବାବେଳେ ଆମ ଆଦମୀ ପାର୍ଟିକୁ ଏକ ବଡ଼ ଝଟକା ଲାଗିଛି। ବିଜେପି ୪୫ଟି ଆସରେ ଆଗୁଆ ଥିବାବେଳେ ଆପ୍ ୨୫ଟି ଆସନରେ ଆଗୁଆ ଅଛି। କଂଗ୍ରେସ ଏପର୍ୟ୍ୟନ୍ତ କୌଣସି ଆସନରେ ଆଗୁଆ ନାହିଁ। ଆପ୍ ଦଳର ସଂଯୋଜକ ଅରବିନ୍ଦ କେଜରିୱାଲ ନିଜେ ନୂଆଦିଲ୍ଲୀ ବିଧାନସଭା ଆସନରୁ ପଛରେ ଅଛନ୍ତି। ଏହି ନିର୍ବାଚନରେ, ଆମ ଆଦମୀ ପାର୍ଟି ଲଗାତାର ଚତୁର୍ଥ ଥର ପାଇଁ କ୍ଷମତାକୁ ଆସିବାର ଦାବି କରୁଛି। ତେବେ ଗତ ନିର୍ବାଚନରେ, ଅରବିନ୍ଦ କେଜରିୱାଲଙ୍କ ନେତୃତ୍ୱାଧୀନ ଆମ ଆଦମୀ ପାର୍ଟି ୭୦ଟି ଆସନରୁ ୬୨ଟି ଜିତିଥିଲା। ବିଜେପି ୮ଟି ଆସନ ପାଇଥିଲା ଏବଂ କଂଗ୍ରେସ ତା’ର ଖାତା ମଧ୍ୟ ଖୋଲିପାରି ନ ଥିଲା।
