ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭାରତରେ ଚିହ୍ନଟ ହେବାରେ ଲାଗିଛି ନୂଆ ବ୍ରିଟେନ ଷ୍ଟ୍ରେନ । ପୁଣି ୨୦ ଜଣ ବ୍ରିଟେନ୍ କୋଭିଡ୍-୧୯ ଷ୍ଟ୍ରେନ୍ ଦ୍ୱାରା ଆକ୍ରାନ୍ତ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି । ଭାରତରେ ସମୁଦାୟ ୫୮ ଜଣ ବ୍ରିଟେନ୍ ଷ୍ଟ୍ରେନ୍ ଦ୍ୱାରା ଏପର୍ଯ୍ୟନ୍ତ ସଂକ୍ରମିତ ହୋଇଛନ୍ତି। ତେବେ ସଂକ୍ରମିତଙ୍କୁ ରାଜ୍ୟ ସରକାରଙ୍କ ଦ୍ୱାରା ପୃଥକ ଆବାସରେ ରଖାଯିବ । ସେମାନଙ୍କ ସସ୍ପର୍ଶରେ ଆସିଥିବା ଲୋକଙ୍କୁ କ୍ୱାରେଣ୍ଟାଇନରେ ରଖାଯିବ । ଏବେ ସୁଦ୍ଧା ଭାରତ ବ୍ୟତୀତ ଡେନମାର୍କ, ନେଦରଲ୍ୟାଣ୍ଡ, ଫ୍ରାନ୍ସ, ଇଟାଲି, ସ୍ପେନ୍, ସ୍ୱିଜରଲ୍ୟାଣ୍ଡ, ଅଷ୍ଟ୍ରେଲିଆ, ସ୍ୱିଡେନ, କାନାଡା, ଜର୍ମାନୀ, ଜାପାନ, ସିଙ୍ଗାପୁର ଏବଂ ଲେବାନନ୍ ରେ ଷ୍ଟ୍ରେନ ଚିହ୍ନଟ ହୋଇଛନ୍ତି । ଏଥିପାଇଁ ଭାରତ ସରକାର ଉପଯୁକ୍ତ ରଣନୀତି ପ୍ରସ୍ତୁତ କରିଛନ୍ତି ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ କୁହାଯାଇଛି।
ତେବେ ଭାରତ ସରକାର ଡିସେମ୍ବର ୨୩ ତାରିଖ ମଧ୍ୟରାତ୍ରରୁ ଜାନୁଆରି ୭ ତାରିଖ ମଧ୍ୟରେ ବ୍ରିଟେନ୍ ରୁ ଭାରତ ଆସିବାକୁ ଥିବା ସମସ୍ତ ବିମାନକୁ ଅସ୍ଥାୟୀ ଭାବେ ବାତିଲ୍ କରାଯିବା ସହ ଡିସେମ୍ବର ୯ରୁ ୨୨ ତାରିଖ ମଧ୍ୟରେ ବିଟ୍ରେନ୍ ଫେରନ୍ତାଙ୍କ ପାଇଁ ବାଧ୍ୟତାମୂଳକ ଆର୍ଟି-ପିସିଆର୍ ପରୀକ୍ଷାର ନିୟମ କରିଛନ୍ତି ।
