ନବଙ୍କ ହତ୍ୟାକାଣ୍ଡର ସିବିଆଇ ତଦନ୍ତ ହେଉ : ବିଜେପି

ଭୁବନେଶ୍ୱର (ବଡ଼ ଖବର ବ୍ୟୁରୋ): ଶୂନ୍ୟକାଳରେ କଂଗ୍ରେସ ନବ ଦାସ ହତ୍ୟା ମାମଲା ଉଠାଇଥିବା ବେଳେ ବିଜେପି ମଧ୍ୟ ଦୋହୋରାଇ ଥିଲା । ବିଜେପି ବିଧାୟକ ସୁବାସ ପାଣିଗ୍ରାହୀ ବି ଉଠାଇଲେ ନବ ଦାସ ହତ୍ୟାକାଣ୍ଡ ଘଟଣା । ଦଳର ବିଧାୟକ ସୁବାସ ପାଣିଗ୍ରାହୀ ଏହି ପ୍ରସଙ୍ଗ ଉଠାଇ କହିଛନ୍ତି । ମନ୍ତ୍ରୀ ନବ ଦାସଙ୍କ ହତ୍ୟାକାଣ୍ଡକୁ ମାସେ ବିତିବାକୁ ଯାଉଛି । କିନ୍ତୁ ତଦନ୍ତ କେବଳ ଗୋପାଳ ପାଖରେ ସୀମିତ ରହିଛି । ଗୋପାଳକୁ ପାଗଳ ସାବ୍ୟସ୍ତ କରିବା ପାଇଁ ବିଭିନ୍ନ ଜାଗାକୁ ନେଉଛନ୍ତି । ତେଣୁ ବିଜେପିର ଦାବି ସିବିଆଇ ତଦନ୍ତ ହେଉ ।