ବାରବାଟୀରେ ଆଜି ସେଲିବ୍ରେଟି କ୍ରିକେଟ

କଟକ (ବଡ଼ ଖବର ବ୍ୟୁରୋ): ପୁଣି ଝଲସିବ ବାରବାଟୀ । ଆରମ୍ଭ ହୋଇଛି ସେଲିବ୍ରିଟି କ୍ରିକେଟ । ଆଜି ବାରବାଟୀରେ ଖେଳିବେ ସେଲିବ୍ରେଟି । ଦୁଇଟି ମ୍ୟାଚ୍ ଖେଳାଯିବାର ଅଛି। ପ୍ରଥମ ମ୍ୟାଚ୍ ପଞ୍ଜାବ ଦା ସେର ଓ ଭୋଜପୁରୀ ଦବଙ୍ଗସ୍ ମଧ୍ୟରେ ଖେଳାଯିବ । ଅନ୍ୟ ମ୍ୟାଚ୍ ମୁମ୍ବାଇ ହିରୋଜ୍ ଓ ବେଙ୍ଗଲ ଟାଇଗର୍ସ ମଧ୍ୟରେ ଖେଳାଯିବ । ଅଭିନେତା ସୋନୁ ସୁଦ ପଞ୍ଜାବ ସେଲିବ୍ରିଟି ଟିମର ଅଧିନାୟକ ଅଛନ୍ତି । ଅଭିନେତା ଓ ବିଜେପି ସାଂସଦ ମନୋଜ ତିୱାରୀ ଭୋଜପୁରୀ ଦବଙ୍ଗସର ଅଧିନାୟକ ଅଛନ୍ତି ।

ରୀତେଶ ଦେଶମୁଖ ମୁମ୍ବାଇ ହିରୋଜ ଟିମର ଅଧିନାୟକ ଦାୟିତ୍ବ ସମ୍ଭାଳୁଥିବା ବେଳେ ଯିଶୁ ସେନଗୁପ୍ତ ବେଙ୍ଗଲ ଟାଇଗସ୍ ଟିମର ଅଧିନାୟକ ଭାର ସମ୍ଭାଳୁଛନ୍ତି । ତେବେ ଗତକାଲି ସେଲିବ୍ରେଟୀମାନେ ବାରବାଟୀରେ ଫ୍ଲଡ୍ ଲାଇଟରେ ଅଭ୍ୟାସ କରିଥିଲେ। ବାର ବାଟୀରେ ମ୍ୟାଚ୍ ଖେଳିବାକୁ ସୁଯୋଗ ମିଳିଥିବାରୁ ଖୁସି ଥିବା କହିଛନ୍ତି ପଞ୍ଜାବ ସିନେ କଳାକାର ଦକ୍ଷ ଅଜିତ ସିଂ।