ବାଦାମପାହାଡ଼ (ବଡ଼ ଖବର ବ୍ୟୁରୋ): ଗତ ମାସ ୪ ତାରିଖରେ ମୟୂରଭଞ୍ଜ ଜିଲ୍ଲା ବାଦାମପାହାଡ଼ ଥାନା ଅନ୍ତର୍ଗତ ବଡ଼ଜଇଦାନପୋଷି ଗ୍ରାମର ମୁନି ମାଝୀଙ୍କ ସ୍ତ୍ରୀ କର୍ମୀ ମଝୀ ବଦାମପାହାଡ଼ ଡ଼ାକ୍ତରଖାନାରେ ଏକ ଶିଶୁପୁତ୍ରକୁ ଜନ୍ମ ଦେଇଥିଲେ। ଉଭୟ ମା ଓ ଛୁଆ ସୁସ୍ଥ ହୋଇ ଘରକୁ ଫେରିଥିଲେ। ମାତ୍ର କିଛିଦିନ ପରେ ନବଜାତ ଶିଶୁଟି ବାରମ୍ବାର କାନ୍ଦିବାର ଦେଖି ମାଆ ମୁନି ମଝୀ ବ୍ୟସ୍ତ ହୋଇପଡୁଥିଲେ । ଶିଶୁଟିର ପେଟ ବ୍ୟଥା ହେଉଥିବା ଭାବି ସେ ଗାଁର ଜଣେ ମହିଳାଙ୍କୁ ଜଣାଇଥିଲେ। ମହିଳା ଜଣକ ଛୁଆର ପେଟରେ ଚେଙ୍କ ଦେଇଥିଲେ । ଏକ ଦାଆକୁ ନିଆଁରେ ଗରମ କରି ପିଲାଟିର ପେଟର ଚାରିପଟେ ୧୨ଟି ଚେଙ୍କ ଦେଇଥିଲେ। ଚେଙ୍କ ଦେବାପରେ ଶିଶୁଟିର ସ୍ୱାସ୍ଥ୍ୟବସ୍ଥା ବିଗିଡି ଯାଇଥିଲା । ଗୁରୁତର ଶିଶୁକୁ ପରିବାର ଲୋକେ ପ୍ରଥମେ ବଦାମପାହାଡ଼ ଡାକ୍ତରଖାନାରେ ଭର୍ତ୍ତି କରିଥିଲେ । ପରେ ତାକୁ ରାଇରଙ୍ଗପୁର ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ଗତକାଲି ରାତିରେ କଅଁଳ ଶିଶୁଟି ସବୁଦିନ ପାଇଁ ଆଖି ବୁଜିଦେଇଛି।
