ଚିଟଫଣ୍ଡକୁ ନେଇ ବଡ଼ଖବର, ‘ଖୁବଶୀଘ୍ର ଫେରିବ ଟଙ୍କା’
ଭୁବନେଶ୍ୱର (ବଡ଼ ଖବର ବ୍ୟୁରୋ): ମଙ୍ଗଳବାର ଚିଟଫଣ୍ଡକୁ ନେଇ ଚିନ୍ତା ପ୍ରକଟ କଲେ ମୁଖ୍ୟମନ୍ତ୍ରୀ । ପୁଣି କ୍ଷତିଗ୍ରସ୍ତଙ୍କ ଭିତରେ ଅର୍ଥ ଫେରିପାଇବାର ବଢିଲା ଆଶା । ବୁଧବାର ଜୋର ଧରିଲା ରାଜ୍ୟ ରାଜନୀତି । ବିରୋଧୀ-ଶାସକ ହେଲେ ମୁହାମୁହିଁ । ରାଜ୍ୟ ବିଜେପି ସଭାପତି ମନମୋହନ ସାମଲ ପୂର୍ବ ସରକାରଙ୍କୁ କାଠଗଡାକୁ ଟାଣିଛନ୍ତି । ଟଙ୍କା ଫେରାଇବାର ଦାୟିତ୍ୱ ପୂର୍ବ ସରକାରର ଥିଲା । ଯାହା ସେ କରିପାରିଲେନି । ଟଙ୍କା ଫେରସ୍ତ ନେଇ ଚିନ୍ତନ ଚାଲିଛି । ଶୀଘ୍ର ନିଷ୍ପତ୍ତି ନିଆଯାଇ ଅର୍ଥ ଦେବା କାର୍ଯ୍ୟକ୍ରମକୁ ଆରମ୍ଭ କରି ଶେଷ କରାଯିବ । ତଦନ୍ତର ରିପୋର୍ଟ ସାର୍ବଜନୀନ ବାବଦରେ ସରକାର ଅନୁଧ୍ୟାନ କରୁଛନ୍ତି । ଚିଟଫଣ୍ଡକୁ ନେଇ ବିଜେପି ସରକାରର ଆଭିମୁଖ୍ୟ ଉପରେ ପ୍ରଶ୍ନବାଚୀ ସୃଷ୍ଟି କରିଛନ୍ତି ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ ।
ସବୁ କାର୍ଯ୍ୟକୁ ପୂର୍ବ ସରକାର ଦାୟିତ୍ୱ କହି କେତେଦିନ ଫାଙ୍କା ମାରିବ । ଚିଟଫଣ୍ଡ କଥା ବିଚାର କରୁ କରୁ ସରକାର ଶେଷ ହୋଇଯାଇଥିବ । ଭାଷଣ ଦେଲେ ଡୁ୍ୟଟି ସରେନି । ସରକାର ଆଇନର ପ୍ରୟୋଗ କରନ୍ତୁ । ୨୦୨୪ ସାଧାରଣ ନିର୍ବାଚନରେ ଚିଟଫଣ୍ଡ ପ୍ରସଙ୍ଗ ରାଜନୈତିକ ଦଳକୁ ଦେଇଥିଲା ବଳ । ସରକାରକୁ ଆସିଲେ କ୍ଷତିଗ୍ରସ୍ତଙ୍କୁ ଅର୍ଥ ଫେରାଇବା ସହ ଦୋଷୀକୁ ଦଣ୍ଡ ଦେବୁ କହି କମ୍ପାଉ ଥିଲେ ପ୍ରଚାର ମଇଦାନା । ହେଲେ ଏହାରି ଭିତରେ ନୂଆ ସରକାର ଗଠନ ହେବାକୁ ପୂରିଲାଣି ଛଅ ମାସରୁ ଅଧିକ ସମୟ । କିନ୍ତୁ ଏବେ ବି ନିରାଶ ହୋଇ ବସିଛନ୍ତି ଚିଟଫଣ୍ଡ କ୍ଷତିଗ୍ରସ୍ତ । ଅପେକ୍ଷା ରହିଲା କେବେ ସେମାନଙ୍କ ଦୁଃଖ ଶୁଣୁଛନ୍ତି ସରକାର ।