ଟାଟାକୁ ଘେରିଲେ କଂଗ୍ରେସ, ବିଜେପି
ଭୁବନେଶ୍ୱର (ବଡ଼ ଖବର ବ୍ୟୁରୋ): ଟାଟାର ମନମାନି । ରାଜ୍ୟରେ ଘନଘନ ବିଜୁଳି କାଟ । ପ୍ରତିବାଦରେ କଂଗ୍ରେସର ହଲ୍ଲାବୋଲ । ଗ୍ରୀଡକୋ ଅଫିସ ଉପରକୁ ଟମାଟୋ ମାଡ଼ କଲା ଯୁବ କଂଗ୍ରେସ । ସେପଟେ ରାଜ୍ୟପାଳଙ୍କୁ ଭେଟିଲା ବିଜେପି । ଅଘୋଷିତ ବିଜୁଳି କାଟକୁ ନେଇ ରାଜ୍ୟବାସୀ ତ୍ରାହିତ୍ରାହି ଡାକୁଛନ୍ତି । ସେପଟେ ମନ୍ତ୍ରୀ କହୁଛନ୍ତି ଯେ ପାୱାର କଟ ନୁହେଁ ଭିତ୍ତିଭୂମିର ଅଭାବ ରହିଛି । ଏହାର ପ୍ରତିବାଦରେ ଆଜି ରାଜ୍ୟ କଂଗ୍ରେସ ଗ୍ରୀଡକୋ ଅଫିସ ଘେରାଉ କରିବା ସହ ପ୍ରତିବାଦ କରିଛି । ଶହ ଶହ ସଂଖ୍ୟାରେ ଦଳର କଂଗ୍ରେସ ନେତା ଓ କର୍ମୀ ନାରାବାଜି କରିବା ସହ ଅଫିସ ଉପରକୁ କରିଥିଲେ ଟମାଟୋ ମାଡ଼ । ସେପଟେ ବକେୟା ବିଲ ଦେବାକୁ ମନାକରିଛନ୍ତି ପିସିସି ସଭାପତି ଶରତ ପଟ୍ଟନାୟକ । ବିଜୁଳି ଭିତ୍ତିଭୂମିରେ ମହାଦୁର୍ନୀତି ହୋଇଛି ।
ରାଜ୍ୟ ସରକାର ମନ୍ତ୍ରୀମାନଙ୍କୁ ତଦନ୍ତ ପରିସରଭୁକ୍ତ କରି ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ କରିବାକୁ ଦାବୀ କରିଛି ବିଜେପି । ଏନେଇ ଭୁବନେଶ୍ୱର ଜିଲ୍ଲା ବିଜେପିର ଏକ ପ୍ରତିନିଧି ଦଳ ରାଜ୍ୟପାଳଙ୍କୁ ଦେଇଛନ୍ତି ସ୍ମାରକ ପତ୍ର । ଜନସାଧାରଣଙ୍କୁ ଅସ୍ତବ୍ୟସ୍ତ କଲାଣି ଅହେତୁକ ବିଜୁଳି କାଟ । ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳୁଛି । ମୁଖ୍ୟ ଶାସନ ସଚିବଙ୍କ ସହ ଶକ୍ତି ଓ ଟାଟା ଅଧିକାରୀଙ୍କ ଆଲୋଚନା ପରେ ସବୁ ଫେଲ । ଯେଉଁଥିପାଇଁ ସରକାରଙ୍କୁ ଟାର୍ଟେଟ କରିଆସୁଛନ୍ତି ବିରୋଧୀ କଂଗ୍ରେସ ଓ ବିଜେପି ।