କରୋନା ନେଲା ଆଉ ଜଣେ ବଲିଉଡ଼ ଅଭିନେତାଙ୍କ ଜୀବନ
ମୁମ୍ବାଇ(ବଡ଼ ଖବର ବ୍ୟୁରୋ): କରୋନାରେ ଆଖିବୁଜିଲେ ଆଉ ଜଣେ ବଲିଉଡ଼ ଅଭିନେତା । ୫୨ବର୍ଷ ବୟସରେ ବିକ୍ରମଜିତ କନୱରପାଲଙ୍କ ଆଜି ମୃତ୍ୟୁ ହୋଇଛି । କରୋନାରେ ଆକ୍ରାନ୍ତ ହୋଇ ମୁମ୍ବାଇର ଏକ ଘରୋଇ ହସ୍ପିଟାଲରେ ସେ ଚିକିତ୍ସିତ ହେଉଥିଲେ । ଆଜି ତାଙ୍କ ମୃତ୍ୟୁ ହୋଇଛି । ଏନେଇ ଚଳଚିତ୍ର ନିର୍ମାତା ଅଶୋକ ପଣ୍ଡିତ ଟ୍ୱିଟ୍ କରି ସୂଚନା ଦେଇଛନ୍ତି । ବିକ୍ରମ ଆଗରୁ ସେନାରେ ଥିଲେ । ଅବସର ନେବା ପରେ ୨୦୦୩ ମସିହାରେ କଳା ଜଗତରେ ପାଦ ଦେଇଥିଲେ ।
ବହୁ ଚଳଚ୍ଚିତ୍ର ଓ ଧାରାବାହିକରେ ସେ ନିଜର ଚମକ୍ରାର ପ୍ରଦର୍ଶନ କରି ଦର୍ଶକଙ୍କ ହୃଦୟରେ ନିଜ ପାଇଁ ଯାଗା ତିଆରି କରିପାରିଥିଲେ । ତାଙ୍କ ଅଭିନୀତ ପେଜ ୩, ରକେଟ ସିଂ, ସେଲ୍ସମ୍ୟାନ ଅଫ ଦ ୟିଅର, ଆରକ୍ଷଣ, ମର୍ଡର ୨, ଟୁ ଷ୍ଟେଟସ ଏବଂ ଦିଗାଜି ଆଟାକ ଆଦି ଅନେକ ଚଳଚ୍ଚିତ୍ର ଜରିଆରେ ଲୋକଙ୍କ ମନରେ ସେ ଛାଡ଼ିଯାଇଛନ୍ତି ଏକ ଅଭୁଲା ସ୍ମୃତି । ସେହିପରି କ୍ରାଇମ ପେଟ୍ରୋଲ ଦସ୍ତକ, ସ୍ପେଶାଲ ଆଇପିଏସ, ଅଦାଲତ, ଦିଆ ଅର ବାତି ହମ ଭଳି ଧାରାବାହିକରେ ମଧ୍ୟ କାମ କରିଥିଲେ । ତାଙ୍କ ପରଲୋକରେ ବଲିଉଡ଼ର ଅନେକ କଳାକାର ଶୋକ ପ୍ରକାଶ କରିଛନ୍ତି ।