ଅସ୍ତରଙ୍ଗରେ ବିକ୍ରି ହେଉଛି କୋଭିଡ଼୍ କିଟ୍

ଅସ୍ତରଙ୍ଗ, (ବଡ଼ ଖବର ବ୍ୟୁରୋ): ମହାମାରୀ କରୋନାକୁ ସଠିକ ଭାବରେ ମୁକାବିଲା କରିବା ପାଇଁ ସରକାର ବିଭିନ୍ନ ପଦକ୍ଷେପମାନ ଗ୍ରହଣ କରୁଛନ୍ତି । କୋଭିଡ଼୍ ମହାମାରୀ ସମୟରେ ରାଜ୍ୟ ସରକାର ଲୋକମାନଙ୍କୁ କରୋନା ଟେଷ୍ଟ କରିବା ପାଇଁ ପ୍ରତ୍ୟେକ ମେଡିକାଲକୁ କୋଭିଡ଼୍ କିଟ୍ ଦେଉଛନ୍ତି । କିନ୍ତୁ ଅସ୍ତରଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିନରେ ଥିବା ରତନପୁର ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଦେଖିବାକୁ ମିଳିଛି ଏହାର ବ୍ୟତିକ୍ରମ । ସ୍ୱାସ୍ଥ୍ୟକେନ୍ଦ୍ରର ଲ୍ୟାବ ଟେକ୍ନିସିଆନ ଜ୍ଞାନ ରଞ୍ଜନ ବେହେରା କିଛି କୋଭିଡ଼୍ କିଟକୁ ବାଣ୍ଟିବା ପରିବର୍ତ୍ତେ ବାହାରେ ବିକ୍ରି କରିଥିବା ଜଣାପଡିଛି । ଏହି ଘଟଣା ସାମ୍ନାକୁୂ ଆସିବା ପରେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ଡାକ୍ତର ସଞ୍ଜୟ ପ୍ରଧାନ ଥାନାରେ ଏତଲା ଦେବାପରେ ଟେକ୍ନିସିଆନ ଜ୍ଞାନ ରଞ୍ଜନ ବେହେରାଙ୍କୁ ଚାକିରିରୁ ବହିଷ୍କାର କରିବା ସହ ଆରେଷ୍ଟ କରାଯାଇଛି ବୋଲି ସେ ସୂଚନା ଦେଇଛନ୍ତି ।