Before Header

ଜିଲ୍ଲାପାଳ ସାଲେନୀଙ୍କୁ ଖୋଜୁଛନ୍ତି ମାନସିକ ରୋଗୀ କୁମାରୀ

0 252

ଦଶପଲ୍ଲା (ବଡ଼ ଖବର ବ୍ୟୁରୋ): ଦଶପଲ୍ଲା ଅଞ୍ଚଳରୁ ଉଦ୍ଧାର କରାଯାଇଛି ଜଣେ ମାନସିକ ରୋଗୀକୁ । ତାଙ୍କୁୁ ସ୍ଥାନୀୟ ଲୋକେ ପଚରାଉଚରା କରିବାରୁ ଜଣାପଡିଲା ସେ ଜିଲ୍ଲାପାଳ ସାଲେନୀ ପଣ୍ଡିତଙ୍କୁ ଖୋଜୁଛନ୍ତି । କାହିଁକି ଖୋଜୁଛି ସେ ଜିଲ୍ଲାପାଳଙ୍କୁ । ଘଟଣାର ଖିଅ ଖୋଜିବାରୁ ଜଣାପଡ଼ିଲା ଦିନେ ତାକୁ ସାହାର୍ଯ୍ୟର ହାତ ବଢାଇଥିଲେ ତତକାଳୀନ ଜିଲ୍ଲାପାଳ ପଣ୍ଡିତ ।
ବୌଦ୍ଧ ସହର ସାନବଙ୍କାପଡ଼ା ଗ୍ରାମର ଏହି ମହିଳା କୁମାରୀ ମେହେରଙ୍କ ପରିବାର କହିଲେ ୨ ଭାଇ ଓ ୪ ଭଉଣୀ । କୁମାରୀ ସମସ୍ତଙ୍କ ଠାରୁ ବଡ଼ । କୁମାରୀ ବୌଦ୍ଧ ଜିଲ୍ଲା ମଧୁରା ପଞ୍ଚାୟତ କେଲାକଟା ଗାଁରେ ବିବାହ କରିଥିଲେ । ତାଙ୍କ ଜନ୍ମିତ ଝିଅର ମୃତ୍ୟୁ ପରେ ଶାଶୁଘର ଲୋକଙ୍କ ଅତ୍ୟାଚାର ସହି ନ ପାରି ସେ ବାପାଘରକୁ ପଳାଇ ଆସିଥିଲେ । ମାତ୍ର ପାରିବାରିକ ସମସ୍ୟାରୁ ବୌଦ୍ଧ ନିକଟ ବୁଟୁପାଲ୍ଲୀରେ ଥିବା ନାରାୟଣପୁର ଅନାଥ ଆଶ୍ରମରେ ସେ ରହିଥିଲେ । ସେହି ସମୟରେ ଥିବା ଜିଲ୍ଲାପାଳ ସାଳିନ୍ ପଣ୍ଡିତ ଆଶ୍ରମକୁ ପରିଦର୍ଶନରେ ଆସିଥିଲେ । କୁମାରୀଙ୍କୁ ଦେଖି ଜିଲ୍ଲାପାଳ ପଣ୍ତିତ୍ ତାଙ୍କୁ ଘର କାର୍ଯ୍ୟ କରିବା ପାଇଁ ଆଶ୍ରମରୁ ନେଇ ଆସିଥିଲେ । ଏପରି କି ଜିଲ୍ଲାପାଳ କୁମାରୀ ନାଁରେ କିଛି ଟଙ୍କା ରଖିଥିଲେ । ଯାହାକୁ ହାତେଇବା ଲାଗି ତାଙ୍କୁ ଭାଇମାନେ ଘରକୁ ନେଇଥିଲେ । ଆଉ ସମସ୍ତ ଟଙ୍କା ଖର୍ଚ୍ଚ କରି ଆରମରେ ରହିଥିଲେ । ମାତ୍ର କୁମାରୀର ସେମାନେ ଦେଖାଶୁଣା କରିନଥିଲେ । ଫଳରେ କୁମାରୀ ମାନସିକ ରୋଗୀ ପାଲଟି ଯାଇଥିଲେ । ଏଭଳି ସ୍ଥିତିରେ ପରିବାର ଲୋକେ ତାଙ୍କୁ ଆଣି ଦଶପଲ୍ଲାରେ ଛାଡି ଦେଇଥିବା ଜଣାପଡ଼ିଛି । କୁମାରୀ ଜିଲ୍ଲାପାଳଙ୍କ ଠିକଣା ପାଇଲେ ପୁଣି ଥରେ ନୂଆ ଜୀବନ ପାଇବେ ବୋଲି ଅ।।ଶା ରଖିଥିବା ଜଣାପଡ଼ିଛି । କୁମାରୀଙ୍କୁ ଉଦ୍ଧାର କରିଥିବା ବଡ଼ ଖବରର ପ୍ରତିନିଧି ତାଙ୍କର ରହିବାର ବ୍ୟବସ୍ଥା କରିବା ସହ ଘରକୁ ପଠାଇବାର ଯୋଜନା କରୁଥିବା ଜଣାପଡ଼ିଛି ।

Leave A Reply

Your email address will not be published.