ଘର ଭିତରୁ ମହିଳାଙ୍କ ମୃତ ଦେହ ଉଦ୍ଧାର

ପାରାଦୀପ (ବଡ଼ ଖବର ବ୍ୟୁରୋ): ଘର ଭିତରୁ ମହିଳାଙ୍କ ମୃତ ଦେହ ଉଦ୍ଧାର। ଘଟଣା ଘଟିଛି ପାରାଦୀପ ଥାନା ଅନ୍ତର୍ଗତ ବାଉରିଆ ପାଳନ୍ଦା ବସ୍ତିରେ। ଏହି ବସ୍ତିରେ ରହୁଥିବା ପ୍ରଦୀପ ଦଳାଇଙ୍କ ଘର ଭିତରେ ବିଳମ୍ବିତ ରାତ୍ରିରୁ ପଡି ରହିଛି ପତ୍ନୀ ରଶ୍ମିତା ଦଳାଇ ଙ୍କ ମୃତ ଶରୀର । ମୃତକଙ୍କ ସ୍ୱାମୀ ଫେରାର ଥିବା ବେଳେ ଖବର ପାଇ ବନ୍ଧୁ ବାନ୍ଧବ ଓ ସାହି ପଡିଶା ମାନେ ଆସି ଘରର କବାଟ ଭାଙ୍ଗି ଘର ଭିତରୁ ରଶ୍ମିତାଙ୍କ ମୃତ ଦେହକୁ ଉଦ୍ଧାର କରିଛନ୍ତି। ଉକ୍ତ ଘଟଣାରେ ପିପିଏଲ ଫାଣ୍ଡି ଅଧିକାରୀ ଓ ଆଦର୍ଶ ଥାନା ଅଧିକାରୀ ବାଉରିଆ ପାଳନ୍ଦା ବସ୍ତିରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।