ଓଡ଼ିଶାରେ ଚିନ୍ତା ବଢାଇଲାଣି ଡେଲ୍ଟା ପ୍ଲସ୍
ଭୁବନେଶ୍ୱର (ବଡ଼ ଖବର ବ୍ୟୁରୋ) : ଶୁକ୍ରବାର ଓଡ଼ିଶାରେ ପ୍ରଥମ ଡେଲ୍ଟା ପ୍ଲସ୍ ଭାରିଆଣ୍ଟ ଚିହ୍ନଟ ହୋଇଛି । । ରାଜ୍ୟରେ ପ୍ରଥମ ଡେଲଟା ପ୍ଲସ୍ କୋଭିଡ ଆକ୍ରାନ୍ତ ଚିହ୍ନଟ ହୋଇଥିବା ନେଇ ସୂଚନା ଦେଇଥିଲେ କେନ୍ଦ୍ର ସରକାର । ଓଡ଼ିଶାର ଦେବଗଡ ଜିଲ୍ଲାରେ ପ୍ରଥମ ଡେଲ୍ଟା ପ୍ଲସ ଭ୍ୟାରିଆଣ୍ଟ ଚିହ୍ନଟ ହୋଇଥିବା ସୂଚନା ମିଳିଥିଲା । ଦେଶରେ ବର୍ତ୍ତମାନ ସୁଦ୍ଧା ୪୮ଟି ଡେଲଟା ପ୍ଲସ୍ ରୋଗୀ ଚିହ୍ନଟ ହୋଇସାରିଲେଣି ।
ମହାରାଷ୍ଟ୍ରରେ ସର୍ବାଧିକ ୨୦ ଜଣ ଚିହ୍ନଟ ହୋଇଥିବା ବେଳେ, ମଧ୍ୟ ପ୍ରଦେଶରେ ୭, ତାମିଲନାଡୁରେ ୯, କେରଳ ୩, ପଞ୍ଜାବ ୨, ଗୁଜରାଟ ୨, ଆନ୍ଧ୍ରପ୍ରଦେଶ, ରାଜସ୍ଥାନ ୧, ଜାମ୍ମୁ ୧ ଏବଂ କର୍ଣ୍ଣାଟକରେ ୧ଟି ଡେଲଟା ପ୍ଲସ୍ ଭ୍ୟାରିଆଣ୍ଟ ଚିହ୍ନଟ ହୋଇସାରିଲେଣି । ତେବେ ବର୍ତ୍ତମାନ ଓଡ଼ିଶାରେ ଡେଲଟା ପ୍ଲସ ଭ୍ୟାରିଆଣ୍ଟ ଥିବା କରୋନା ଆକ୍ରାନ୍ତ ଚିହ୍ନଟ ହେବା ପରେ ଚିନ୍ତା ଆହୁରି ବଢିଯାଇଛି ।
ରାଜ୍ୟରେ ଧିରେ ଧିରେ କରୋନା ସଂକ୍ରମଣ କମୁଥିବା ବେଳେ ଡେଲଟା ଭ୍ୟରିଆଣ୍ଟ ଚିନ୍ତା ବଢାଇଥିଲା । ସ୍ବାସ୍ଥ୍ୟ ବିଭାଗ ତଥ୍ୟ ଅନୁଯାୟୀ, ଭାରତରେ ଭୟଙ୍କର ହେବାରେ ଲାଗିଛି କୋଭିଡର ଡେଲଟା ପ୍ଲସ ଭ୍ୟାରିଆଣ୍ଟ । ଯାହାକୁ ନେଇ ଚିନ୍ତା ବଢିଯାଇଛି ।
