ଧର୍ମେନ୍ଦ୍ର@୨୦୨୪

ସମ୍ବଲପୁର (ବଡ଼ ଖବର ବ୍ୟୁରୋ): ଚର୍ଚ୍ଚାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ରାଜା ସାହେବ ଯଦି ଚାହିଁବେ ତେବେ ସାଂସଦ ହେବେ ଧର୍ମେନ୍ଦ୍ର । ଏକଥା ଆମେ କହୁନୁ କହିଛନ୍ତି ଖୋଦ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଗତକାଲି ବୀର ସୁରେନ୍ଦ୍ର ସାଏଙ୍କ ଜୟନ୍ତୀ ଅବସରରେ ଅୟୋଯିତ ସଭାରେ ଧର୍ମେନ୍ଦ୍ରଙ୍କ ଭାଷଣ ଏବେ ଚର୍ଚ୍ଚାରେ । ସମ୍ବଲପୁର ଜିଲ୍ଲାର ଵୀର ସୁରେନ୍ଦ୍ର ସାଏଙ୍କ ଜନ୍ମମାଟି ଖିଣ୍ଡା ଗ୍ରାମରେ ଵୀର ସୁରେନ୍ଦ୍ର ସାଏଙ୍କ ଜୟନ୍ତୀ ସଭାରେ ନିଜ ଭାଷଣ ଛଳରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସମ୍ବଲପୁରରୁ ଲୋକସଭା ନିର୍ବାଚନ ଲଢିବା ପାଇଁ ପରୋକ୍ଷରେ ଇଙ୍ଗିତ କରିଥିବା ଜଣାପଡ଼ିଛି ।

ଧର୍ମେନ୍ଦ୍ର ନିଜ ଭାଷଣରେ କହିଥିଲେ କି ସମ୍ବଲପୁରରେ ରାଜାସାହେବ ନୀତିଶ ଗଙ୍ଗଦେବ ଚାହିଁଲେ ସେ ସମ୍ବଲପୁରରୁ ସାଂସଦ ହେବ । ଧର୍ମେନ୍ଦ୍ରଙ୍କ ଏଭଳି ବୟାନ ଏବେ ସମ୍ବଲପୁର ଜିଲ୍ଲା ରାଜନୀତିକୁ ଚର୍ଚ୍ଚାର ଖୋରାକ ଯୋଗାଇଛି । ଆଗମୀ ୨୦୨୪ ନିର୍ବାଚନରେ ଧର୍ମେନ୍ଦ୍ର ସମ୍ବଲପୁର ଆସନରୁ ଛିଡା ହେବା ନେଇ ମଧ୍ୟ ଚର୍ଚ୍ଚା ଜୋର ଧରିଛି ।