ଦିଲ୍ଲୀପ କୁମାରଙ୍କ ପାକିସ୍ତାନ ଘରର ଦାମ କେତେ ଜାଣନ୍ତି..
ମୁମ୍ବାଇ (ବଡ଼ ଖବର ବ୍ୟୁରୋ): ହିନ୍ଦୀ ଫିଲ୍ମି ଜଗତର ବାଦଶାହା ଦିଲ୍ଲୀପ କୁମାରଙ୍କ ପାକିସ୍ତାନର ଖାଇବର ପାକଖୁତନୱା ପ୍ରଦେଶରେ ଥିବା ପୈତୃକ ଘରକୁ ନେଇ ବିବାଦ ଘନେଇବାରେ ଲାଗିଛି । ଶହେ ବର୍ଷରୁ ଉଦ୍ଧ୍ୱର୍ ଏହି ପୁରାତନ ହାବେଲି ପରିତ୍ୟକ୍ତ ହୋଇ ପଡିରହିଥିଲା । ଏହାର ମରାମତିରେ ଖର୍ଚ୍ଚ ହୋଇଛି ବିପୁଳ ଟଙ୍କା । ୮୦କୋଟି ୪୬ଲକ୍ଷ ଟଙ୍କାରେ ଏହାକୁ କିଣିବା ପାଇଁ ସ୍ଥାନୀୟ ସରକାର ଚଳାଇଛନ୍ତି ଉଦ୍ୟମ । କିନ୍ତୁ ଏହି ହାବେଲିର ବର୍ତ୍ତମାନର ମାଲିକ ବିକିବା ପାଇଁ ନାରାଜ ।
ମଙ୍ଗଳବାର ଏହି ପୁରାତନ ହାବେଲିର ମାଲିକଙ୍କ ଓକିଲ ଗଲ ରହମନ ମହମ୍ମଦ ଏକ ଘରୋଇ ଟିଭି ଚ୍ୟାନେଲକୁ ସାକ୍ଷାତକାରରେ କହିଛନ୍ତି ଯେ ଦୀର୍ଘ ବର୍ଷ ଧରି ହାବେଲିଟି ପରିତ୍ୟକ୍ତ ହୋଇ ପଡିରହିଥିଲା । ରକ୍ଷଣାବେକ୍ଷଣ ଅଭାବରୁ ହାବେଲିର ବହୁ ଅଂଶ ଭାଙ୍ଗିରୁଜି ଯାଇଥିଲା । ତେବେ ମରାମତି ବାବଦରେ ଖର୍ଚ୍ଚ ହୋଇଛି ୩୫କୋଟି ଟଙ୍କା । ଏହା ହାବେଲି କିଣିବା ଖର୍ଚ୍ଚ ଠାରୁ ଅଧିକ । ତଥାପି ସ୍ଥାନୀୟ ସରକାର ଅଧିକ ଟଙ୍କା ଦେଇ ଏହାକୁ କିଣିବା ପଇଁ ଚେଷ୍ଟା ଚଳାଇଛନ୍ତି । ଟଙ୍କାରେ ଏହି ହାବେଲିକୁ କିଣିବା ପାଇଁ ସରକାର ଚେଷ୍ଟା କରୁଛନ୍ତି । ହାବେଲିଟି ଯେଉଁ ସ୍ଥାନରେ ଅଛି, ସେଠାରେ ଏକର ପ୍ରତି ୭କୋଟି ଟଙ୍କାରେ ବିକ୍ରି ହେଉଛି । ୨୭୨.୨୫ ବର୍ଗଫୁଟ ପରିମିତ ଏହି ହାବେଲିରେ ବଲିଉଡର ଟ୍ରାଜେଡି କିଙ୍ଗ୍ ଦିଲ୍ଲୀପ କୁମାର ଜନ୍ମ ହୋଇଥିଲେ । ଖାଇବର ପାକଖୁତନୱାର ଖାୱାନି ବଜାରର ମଧ୍ୟସ୍ଥଳରେ ଏହି ହାବେଲି ଅଛି । ୨୦୧୪ରେ ନୱାଜ ସରିଫ ସରକାର ଏହି ହାବେଲିକୁ ଜାତୀୟ ସ୍ମାରକୀ ଭାବେ ଘୋଷଣା କରିଥିଲେ ।