କାଲି ଚନ୍ଦ୍ରପୁର ଗସ୍ତରେ ଯିବ ଅନୁସନ୍ଧାନକାରୀ କମିଟି
ଭୁବନେଶ୍ୱର(ବଡ଼ ଖବର ବ୍ୟୁରୋ): ଅଖିଳ ଭାରତ ଭ୍ରଷ୍ଟାଚାର ବିରୋଧୀ ସଂଗଠନ ପକ୍ଷରୁ ଆସନ୍ତାକାଲି ରାୟଗଡା ଜିଲ୍ଲାର ଚନ୍ଦ୍ରପୁର ଗ୍ରସ୍ତ କରି ଆଦିବାସୀ ମହିଳାଙ୍କର ଅମାନୁଷିକ ହତ୍ୟା ଘଟଣାର ତଦନ୍ତ କରିବାକୁ ରାଜ୍ୟ କମିଟି ପକ୍ଷରୁ ଏକ ତଥ୍ୟ ଅନୁସନ୍ଧାନକାରୀ କମିଟି ଗଠନ କରାଯାଇଛି । ଆଦିବାସୀ ମହିଳାଙ୍କୁ ଯେଉଁ ଭଳି ଭାବରେ ହତ୍ୟା କରାଯାଇଛି ତାହା ସମଗ୍ର ରାଜ୍ୟକୁ ଚକିତ କରିଛି ଓ ଏହି ଘଟଣାରେ ସଂପୃକ୍ତ ଅଧିକାରୀମାନଙ୍କ ସଂପର୍କରେ ତଥ୍ୟ ଅନୁସନ୍ଧାନକାରୀ କମିଟି ଗସ୍ତ କରି ରିପୋର୍ଟ ପ୍ରସ୍ତୁତ କରିବ । ରାଜ୍ୟ ଆବାହକ ବରିଷ୍ଠ ଆଇନ୍ଜୀବୀ ସୁବ୍ରତ କୁମାର ନନ୍ଦ ଏକ ପ୍ରେସ୍ ବିବୃତ୍ତିରେ ଏହା ପ୍ରକାଶ କରିଛନ୍ତି ଯେ ଏହି କମିଟିରେ ଆବାହକ ଭାବେ ରାଜ୍ୟ ସଂଯୋଜକ ବୁଦ୍ଧିଜୀବୀ ସୁବାସ ପଣ୍ଡାଙ୍କୁ ଦାୟିତ୍ୱ ଦିଆଯାଇଛି ।
କମିଟିରେ ରାଜ୍ୟ ସଂପାଦକ ଶ୍ୟାମ ସୁନ୍ଦର ପଣ୍ଡା ଜିଲ୍ଲା ସଂଯୋଜକ ବରିଷ୍ଠ ଆଇନ୍ଜୀବୀ ରାଧାକୃଷ୍ଣ ପଟ୍ଟନାୟକ ଓ ଗୁଜାରି ବ୍ଲକର ସଭାପତି ତଥା ଶିକ୍ଷକ ନେତା ଗୌରୀଶଙ୍କର ମିଶ୍ରଙ୍କୁ ଏହି କମିଟିର ସଦସ୍ୟ ଭାବେ ମନୋନୀତ କରାଯାଇଛି । ଆସନ୍ତାକାଲି ମଧ୍ୟାହ୍ନରେ ଏହି କମିଟି ସୁଧାରଗୃହ ଓ ଡାକ୍ତରଖାନା ପରିଦର୍ଶନ କରି ତଥ୍ୟ ଅନୁସନ୍ଧାନ କରିବେ । ଏହି ଗ୍ରସ୍ତ ସମୟରେ ଚନ୍ଦ୍ରପୁର ଅଞ୍ଚଳର ଜନସାଧାରଣ, ବୁଦ୍ଧିଜୀବୀ, ସମାଜସେବୀ ଓ ଗଣସଂଗଠନ ଉପସ୍ଥିତ ରହି ତଦନ୍ତ କରୁଥିବା କମିଟି ନିଟକରେ ତଥ୍ୟ ଦେବାକୁ ସଂଗଠନର ରାଜ୍ୟ ଆବାହାକ ଆଡଭୋକେଟ୍ ଶ୍ରୀ ନନ୍ଦ ନିବେଦନ କରିଛନ୍ତି ।