ମୁମ୍ବାଇ(ବଡ଼ ଖବର ବ୍ୟୁରୋ): ଆଜି ଡାକ୍ତର ଦିବସରେ ଆସିଛି ଏକ ଦୁଃଖଦ ଖବର । ମହାରାଷ୍ଟ୍ରର ପୁନେରେ ଜଣେ ଡାକ୍ତର ଦମ୍ପତି ଆଜି ଆତ୍ମହତ୍ୟା କରିଛନ୍ତି । ପୁନେର ଆଜାଦ ନଗରରେ ଏହି ଦମ୍ପତି ରୁହନ୍ତି । ତାଙ୍କ ମଧ୍ୟରେ ସବୁବେଳେ ବିବାଦ ଲାଗିରୁହେ । ବିବାଦକୁ ନେଇ ପ୍ରଥମେ ସ୍ତ୍ରୀ ଓ ପରେ ସ୍ୱାମୀ ଆତ୍ମହତ୍ୟା କରିଥିଲେ । ତେବେ ଏହି ଡାକ୍ତର ଦମ୍ପତିଙ୍କ ନାଁ ଅଙ୍କିତା ନିଖିଲ ଶେଣ୍ଡକର ଓ ନିଖିଲ ଦତ୍ତାତ୍ରେୟା ଶେଣ୍ଡକର ହୋଇଥିବା ଜଣାପଡ଼ିଛି ।
ଗତ କାଲି ରାତିରେ ଘରକୁ ଫେରିବା ସମୟରେ ସେମାନଙ୍କ ଝଗଡ଼ା ଭୀଷଣ ରୂପ ନେଇଥିଲା । ନିଖିଲ ରାତି ୮ଟା ବେଳକୁ ପହଞ୍ଚିବା ବେଳକୁ ଅଙ୍କିତା ଆତ୍ମହତ୍ୟା କରିସାରିଥିଲେ । ତେବେ ଏହାକୁ ସହି ନ ପାରି ନିଖିଲ ମଧ୍ୟ ଆତ୍ମହତ୍ୟା କରିଥିଲେ । ତେବେ ଏହି ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଶବ ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଆରମ୍ଭ କରିଛି ।
