କରୋନାର ଶିକାର ପାଲଟିଛନ୍ତି ଡାକ୍ତର, ଜାଣନ୍ତୁ ଓଡ଼ିଶାରୁ କେତେ ?

ଭୁବନେଶ୍ଵର (ବଡ଼ ଖବର ବ୍ୟୁରୋ) : ମହାମାରୀ କରୋନା କବଳରେ ଡାକ୍ତର । କରୋନାର ଶିକାର ପାଲଟିଛନ୍ତି ଜୀବନ ରକ୍ଷା କରୁଥିବା ଡାକ୍ତର । ଓଡ଼ିଶାରୁ ୩୬ ଜଣ ଡାକ୍ତର ମହାମାରୀ କରୋନାରେ ପ୍ରାଣ ହରାଇଥିବା ଜଣାପଡ଼ିଛି । ଦ୍ବିତୀୟ ଲହରରେ ୮୦୦ ଡାକ୍ତରଙ୍କ ଯାଇଛି ଜୀବନ । କହିବାକୁ ଗଲେ, ଉଭୟ ପ୍ରଥମ ଓ ଦ୍ବିତୀୟ ଲହରରେ କିଲର କରୋନା ନେଇଛି ଦେଢ଼ ହଜାରରୁ ଅଧିକ ଡାକ୍ତରଙ୍କ ଜୀବନ । ଏନେଇ ଏକ ଚିନ୍ତାଜନକ ତଥ୍ୟ ଦେଇଛି ଇଣ୍ଡିଆନ ମେଡିକାଲ ଆସୋସିଏସନ । ତେବେ ବିହାର ଓ ଦିଲ୍ଲୀରେ ସର୍ବାଧିକ ଡାକ୍ତର କୋଭିଡରେ ପ୍ରାଣ ହରାଇଥିବା ସ୍ପଷ୍ଟ କରିଛି ଆଇଏମଏ ।

ମୃତ ଡାକ୍ତରଙ୍କ ମଧ୍ୟରୁ କିଛି ଡାକ୍ତର ଦୁଇଟି ଯାକ ଡୋଜ ନେଇଥିବା ବେଳେ ଆଉ କେତେ ଜଣ ପ୍ରଥମ ଡୋଜ ନେଇଥିଲେ । ଆଇଏମଏ ମହାସଚିବ ଡାକ୍ତର ଜୟେଶ ଲେଲେ କହିଛନ୍ତି ଯେ, ପ୍ରତି ରାଜ୍ୟରୁ ଡାକ୍ତଣଙ୍କ ମୃତ୍ୟୁ ସମ୍ପର୍କରେ ତଥ୍ୟ ସଂଗ୍ରହ କରାଯାଉଛି । ବର୍ତ୍ତମାନ ସୁଦ୍ଧା ଦ୍ବିତୀୟ ଲହରରେ ୮୦୦ ଡାକ୍ତର ପ୍ରାଣ ହରାଇଥିବା ଜଣାପଡ଼ିଛି ।