ଏସଆଇଙ୍କ ଉପରେ ଗାଡ଼ି ଚଢ଼ାଇଦେଲା ଡ୍ରାଇଭର
ବରଗଡ଼ (ବଡ଼ ଖବର ବ୍ୟୁରୋ): ପୁଲିସ ସବ୍ଇନିସପେକ୍ଟରଙ୍କ ଉପରେ ଗାଡ଼ି ଚଢ଼ାଇଦେଲା ଡ୍ରାଇଭର । ଅଳ୍ପକେ ବର୍ତ୍ତିଗଲା ପୁଲିସ ବାବୁଙ୍କ ଜୀବନ । ସୋହେଲା ଦଶମାଇଲ ଲେବଡି ଛକରେ ବୋଲେରୋ ଧକ୍କାରେ ଏସଆଇ ଗୁରୁତର । ଏମଭି ଯାଞ୍ଚ ବେଳେ ସୋହେଲା ଥାନା ଏସଆଇଙ୍କୁ ଧକ୍କା ଦେଲା ଗାଡିା ଧକ୍କା ଦେବାପରେ ଘଟଣା ସ୍ଥଳରୁ ଗାଡି ଛାଡି ଫେରାର ମାରିଲା ଡ୍ରାଇଭର ।
ଗୁରୁତର ଅବସ୍ଥାରେ ସୋହେଲା ଥାନାର ସବ ଇନ୍ସପେକ୍ଟର ଅମିତ ଧଳଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ଦୁର୍ଘଟଣାରେ ତାଙ୍କର ଅଣ୍ଟା ଓ ଜଙ୍ଘରେ ଗଭୀର ଆଘାତ ଲାଗିଥିବା ଜଣାପଡ଼ିଛି । ସବ ଇନ୍ସପେକ୍ଟର ଜଣଙ୍କ ହସ୍ପିଟାଲ ରେ ଏବେ ମଧ୍ୟ୍ୟ ଚିକିତ୍ସା ଚାଲୁଅଛି । ଅନ୍ୟପଟେ ଯେଉଁ ବୋଲେରୋ ଗାଡିଟି ପୁଲିସ ଏସ.ଆଇଙ୍କୁ ଧକ୍କା ଦେଇଛି, ସେହି ଗାଡ଼ିର ମାଲିକ କିଏ, ଡ୍ରାଇଭର କିଏ, ତାକୁ ଖୋଜାଚାଲିଛି । ତେବେ ଯୋଜନାବଦ୍ଧ ଭାବେ ଏସଆଇ ଅମିତ୍ ଧଳଙ୍କୁ ଗାଡ଼ି ମଡ଼ାଇ ଦିଆଯାଇଥିବା ସୂଚନା ମିଳିଛି ।