ହାତୀ ଆତଙ୍କ

ପଦ୍ମପୁର (ବଡ଼ ଖବର ବ୍ୟୁରୋ): ହାତୀ ଉପଦ୍ରବ । ନଷ୍ଟ କରୁଛନ୍ତି ଫସଲ ଓ ଘରଦ୍ୱାର । ପଦ୍ମପୁର ଉପଖଣ୍ଡ ପାଇକମାଲ ବ୍ଳକ ଗନ୍ଧମାର୍ଦ୍ଦନ ପର୍ବତ ପାଦଦେଶରେ ଅବସ୍ଥିତ ଗ୍ରାମଗୁଡ଼ିକରେ ଗତ ପାଞ୍ଚଦିନ ହେଲା ଦୁଇଟି ବଣୁଆ ହାତୀ ଆତଙ୍କ ଖେଲାଉଥିବା ଦେଖିବାକୁ ମିଳିଛି। ଏହି ଦୁଇ ବଣୁଆ ହାତୀ ଆଖପାଖ ଗାଁକୁ ପଶି ଲୋକଙ୍କ ଘରଦ୍ୱାର ଭାଙ୍ଗି ଦେବା ସହ ଧାନ,ଚାଉଲ ତଥା ଆସବାବ ପତ୍ର ନଷ୍ଟ କରି ଦେଉଛନ୍ତି ।

ଅଞ୍ଚଳରେ କମ ବର୍ଷା ଯୋଗୁଁ ମରୁଡି ସ୍ଥିତି ଦେଖା ଦେଲାଣି, ତଥାପି ଯେଉଁଠି ଧାନ ଚାଷ ହୋଇଛି ଫସଲକୁ ଦଳି ଚକଟି ନଷ୍ଟ କରି ଦେଉଛନ୍ତି । ଏମିତିକି ପନିପରିବା ଚାଷ ମଧ୍ୟ ନଷ୍ଟ କରୁଛନ୍ତି । ରାତି ସମୟରେ ହାତୀମାନେ ଜନବସତି ଆଡକୁ ମାଡି ଆସୁଛନ୍ତି ଯାହାଫଳରେ ଲୋକଙ୍କ ମଧ୍ୟରେ କୋକୁଆ ଭୟ ହେଉଛି।