ଦୁଷ୍ମନ୍ତଙ୍କୁ ହତ୍ୟା କରାଯାଇଛି : ବିଭୁ ପ୍ରସାଦ ତରାଇ
ଭୁବନେଶ୍ୱର (ବଡ଼ ଖବର ବ୍ୟୁରୋ): ବିଜେପି ନେତା ବିଭୁ ପ୍ରସାଦ ତରାଇ ଙ୍କ ସମ୍ବାଦିକ ସମ୍ମିଳନୀ । ଦୁଷ୍ମନ୍ତଙ୍କୁ ଷଡଯନ୍ତ୍ର କରି ହତ୍ୟା କରାଯାଇଛି ।ରାଜ୍ୟ ସରକାରଙ୍କ ଅବହେଳା ଯୋଗୁଁ ତାଙ୍କର ମୃତ୍ୟୁ ହୋଇଛି । ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ବଣ୍ଟା ଯାଉଥିବା କାର୍ଡ ରାଜ୍ୟରେ ପୁସିଂ କାର୍ଡ ପାଲଟି ଯାଇଛି । ସରକାର ଓଡିଶାବାସୀଙ୍କୁ ଭଣ୍ଡାଉଛନ୍ତି ।
ଗତ ୮ ତାରିଖରେ ଦୁଷ୍ମନ୍ତ ଦାସ ବିଧାନସଭା ଆଗରେ ପହଂଚି ଗଣମାଧ୍ୟମ ଆଗରେ ବିଷ ଖାଇଛି ବୋଲି କହିଥିଲା । ପରେ ପୋଲିସ ତାକୁ କ୍ୟାପିଟାଲ ମେଡିକାଲ ମେଡିକାଲକୁ ନେଲା। ରେକର୍ଡ ଅନୁସାରେ ୧୨.୩୦ ରେ କ୍ୟାପିଟାଲ ମେଡିକାଲରେ ଆଡମିଟ କରାଯାଇ ୧.୩୦ ରେ କଟକ ମେଡିକାଲକୁ ପଠାଇ ଦିଆଗଲା । କିନ୍ତୁ କଟକ ମେଡିକାଲ ରେ ଦୁଷ୍ମନ୍ତ ୪ ଟାରେ ପହଞ୍ଚିଥିଲା ।
ପ୍ରଶ୍ନ ଭୁବନେଶ୍ୱର ରେ ଗୁରୁତର ଥିବା ଦୁଷ୍ମନ୍ତଙ୍କୁ ଭୁବନେଶ୍ୱର ର ଘରୋଇ ମେଡିକାଲରେ ଭର୍ତ୍ତି ନକରି କଟକ କାହିଁକି ପଠା ଗଲା । ସେହିପରି ଭୁବନେଶ୍ୱରରୁ କଟକ ୩୦ କିମି ରାସ୍ତା ଅଢେଇ ଘଣ୍ଟା କେମିତି ଲାଗିଗଲା । ଏଥିରୁ ସ୍ପଷ୍ଟ କ୍ୟାପିଟାଲରୁ କଟକ ନେବା ଦାୟିତ୍ୱରେ ଥିବା ଲୋକ ହିଁ ଦୁଷ୍ମନ୍ତ ମୃତ୍ୟୁ ପାଇଁ ଦାୟୀ ।
