ସମସ୍ୟା ବୁଝୁନି ବିଜୁଳି ବିଭାଗ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଶୁକ୍ରବାର ଅପରାହ୍ନରେ ବାରଙ୍ଗସ୍ଥିତ ବିଦ୍ୟୁତ କାର୍ଯ୍ୟାଳୟଠାରେ ୮ଦଫା ଦାବି ନେଇ ବିକ୍ଷୋଭ ପ୍ରଦର୍ଶନ କରିଛି ବିଦ୍ୟୁତ ଉପଭୋକ୍ତା ମିଳିତ ମଞ୍ଚ । ବିଦ୍ୟୁତ କାଟ, ଲୋଭୋଲଟେଜ ସମସ୍ୟା, ମିଟର ରିଡିଂ ଓ ବିଲରେ ତୃଟି, ତଳେ ଝୁଲୁଥିବା ତାରକୁ ଠିକ କରିବା, ରିହାତି ସମୟ ୭ଦିନ ପରିବର୍ତ୍ତେ ଏକମାସ ବୃଦ୍ଧି କରିବା, ଟାଟା ପାୱାରକୁ ହସ୍ତାନ୍ତର ବନ୍ଦ କରି ସରକାରୀ ଅଧିନକୁ ନେବା, ସମସ୍ତ ଅଞ୍ଚଳକୁ ତାର ସଂଯୋଗ କରିବା ଭଳି ୮ ଦଫା ଦେଇ ପ୍ରତିବାଦ କରିଛି ସଂଘ ।

ବିକ୍ଷୋଭସ୍ଥଳରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ବିଦ୍ୟୁତ ଉପଭୋକ୍ତା ମିଳିତ ମଞ୍ଚର ଆବାହକ ରାଜକିଶୋର ମଲ୍ଲିକ, ବସନ୍ତ ନାୟକ, ସିଦ୍ଧାର୍ଥ ରଥ, ଅଶୋକ ବେହେରା, ଟିକା ସାମଲ, ଧିରେନ୍ଦ୍ର ପଣ୍ଡା, ନବକୁମାର ନାୟକ, ଲଳିତା ମହାପାତ୍ର, ଅଭିରାମ ବେହେରା, ଅନ୍ତର୍ଯ୍ୟାମୀ ବେହେରା, ଭାଗ୍ୟଶ୍ରୀ ପ୍ରଧାନ, ରାଜେଶ ରାଉତ, ବିରେନ ପାଇଲଟ, କାଳନ୍ଦୀ ବେଉରା ପ୍ରମୁଖ ଉପସ୍ଥିତ ଥିଲେ । ବାରଙ୍ଗ କନିଷ୍ଠଯନ୍ତ୍ରୀଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ସ୍ମାରକପତ୍ର ପ୍ରଦାନ କରିଛି ସଂଘ ।