କେନ୍ଦ୍ରପଡା(ବଡ଼ ଖବର ବ୍ୟୁରୋ): କେନ୍ଦ୍ରପଡା ରାଜକନିକା ମହୁରୀ ଗାଁରେ ବିଦ୍ୟୁତ ଖୁଣ୍ଟରେ ଚଢି ବିଦ୍ୟୁତ ସଂଯୋଗ କରୁଥିବା ସମୟରେ ଜଣେ ବିଦ୍ୟୁତ କର୍ମଚାରୀଙ୍କର ମୃତ୍ୟୁ ହୋଇଛି । ତେବେ ମୃତ ବିଦ୍ୟୁତ କର୍ମଚାରୀ ହେଉଛନ୍ତି ପଟ୍ଟାମୁଣ୍ଡାଇ ଡାମରପୁର ଗାଁର ସନ୍ତୋଷ ବେହେରା ବୋଲି ଜଣାପଡିଛି ।
ସୂଚନା ମୁତାବକ ଟାଟା ପାୱାରଠାରୁ ଫ୍ରାଞ୍ଚଆଇଜ ନେଇ ମିଟର ରିଡିଙ୍ଗ ଓ ବିଦ୍ୟୁତ ସଂଯୋଗ କାର୍ୟ୍ୟରେ ନିୟୋଜିତ ଥିବା ଡି ଆଣ୍ଡ ବି କମ୍ପାନିର କର୍ମଚାରୀ ସନ୍ତୋଷ କୁମାର ବେହେରା ଆଜି ମହୁରୀ ଗାଁରେ ଖୁଣ୍ଟରେ ଚଢି ବିଦ୍ୟୁତ ସଂଯୋଗ କରୁଥିବା ବେଳେ ହଠାତ ବିଦ୍ୟୁତ ସଂସ୍ପର୍ଶରେ ଆସି ତଳକୁ ଖସି ପଡ଼ିଥିଲେ । ଯାହା ଫଳରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି ।
