ଚନ୍ଦ୍ରପୁର, (ବଡ଼ ଖବର ବ୍ୟୁରୋ): ଦନ୍ତା ଦେଖି ଡ଼ରିଲେଣି ଗାଁ ଲୋକେ । ବର୍ଷ ସାରା ପରିଶ୍ରମ କରି ସଶ୍ୟ ଅମଳ ସମୟରେ ଅଞ୍ଚଳରେ ଦନ୍ତାହାତୀ ଦେଖି ଆତଙ୍କିତ ହୋଇପଡିଛନ୍ତି ରାୟଗଡ଼ା ଜିଲ୍ଲା ଚନ୍ଦ୍ରପୁର ବ୍ଲକ ଠୁରିଗୁଡ଼ା ଅଞ୍ଚଳର ଲୋକେ । ଗତକାଲି ଠୁରିଗୁଡ଼ା ପଞ୍ଚାୟତର ଟିଣପଦର ଗାଁ ନିକଟରେ ଥିବା ବଶଂଧାରା ନଦୀ କୂଳରେ ଦୁଇଟି ଦନ୍ତାହାତୀ ଦେଖିଥିଲେ ଗାଁ ଲୋକେ । ଫସଲ ଅମଳ ସମୟରେ ହାତୀକୁ ଦେଖି ମୁଣ୍ଡରେ ହାତଦେଇ ବସିଛନ୍ତି ଗାଁ ଲୋକେ । ଏହି ଦୁଇ ଦନ୍ତା କନ୍ଧମାଳ ରେଞ୍ଜରୁ ଆସିଥିବା ଅନୁମାନ କରାଯାଉଛି । ଏନେଇ ମୁନିଗୁଡ଼ା ବନ ବିଭାଗକୁ ଖବର ଦେବା ପରେ ହାତୀ ଦୁଇଟିକୁ ଘଉଡ଼ାଇବା ପାଇଁ ଉଦ୍ୟମ କରୁଛି ବନ ବିଭାଗ ।
