ପୋଲିସକୁ ଛେଚିଲେ

କାଶିନଗର (ବଡ଼ ଖବର ବ୍ୟୁରୋ): ଚଢାଉବେଳେ ପୋଲିସକୁ ଆକ୍ରମଣ । ଗଜପତି ଜିଲ୍ଲା ଗୋଷାଣୀ ବ୍ଲକ ଖରସଣ୍ଡା ଗ୍ରାମରେ ଚାଲିଥିବା ଜୁଆ ଆଡ୍ଡାରେ ଚଢାଉ କରିଛି ପୋଲିସ । ଚଢାଉ ବେଳେ ପୋଲିସ ଟିମ୍ ଆକ୍ରମଣର ଶିକାର ହୋଇଛନ୍ତି । ଜୁଆଡିମାନେ ପଥର ମାଡ କରି ପୋଲିସ ଭ୍ୟାନ୍କୁ ଭଙ୍ଗାରୁଜା କରିଛନ୍ତି । ଗୁରାଣ୍ଡି ଥାନା ଓଆଇସି ମମତା ପଣ୍ଡାଙ୍କ ସହ ୪ ପୋଲିସ କର୍ମଚାରୀ ଆହତ ହୋଇଛନ୍ତି । ସେମାନଙ୍କୁ ପାରଳାଖେମୁଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭତ୍ତି କରାଯାଇଛି । ଗଜପତି ଏସପି ସୀତାରାମ ଶତପଥୀ ଓ ପାରଳା ଏସଡିପିଓ ଆର.କେ.ପତି ପାରଳାଖେମୁଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟରେ ପହଁଚି ତଥ୍ୟ ସଂଗ୍ରହ କରିଛନ୍ତି ।