ଖୁବଶୀଘ୍ର POK ଖାଲି କର !

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆତଙ୍କବାଦ ପ୍ରତି ପାକିସ୍ତାନର ଦୁର୍ବଳତା କେତେ ତାହା ବିଶ୍ୱ ଜାଣିଛି । ବାରମ୍ବାର ଆତଙ୍କବାଦ ପ୍ରସଙ୍ଗ ଉଠିଲାମାନେ ପାକିସ୍ତାନ ତାଙ୍କର ରକ୍ଷା କବଚ ଭାବରେ ଛିଡ଼ା ହୋଇଥାଏ । ଏହା ସାରା ବିଶ୍ୱ ବହୁ ଆଗରୁ ଦେଖିଆସୁଛି । ଏହା ମଧ୍ୟରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ମିଳିତ ଜାତିସଂଘ ସଭାରେ ଚୁପ କରାଇ ସ୍ନେହା ଦୁବେ ଚର୍ଚ୍ଚାରେ ଅଛନ୍ତି । ପ୍ରତ୍ୟେକ ଥର ଭଳି ଏଥର ମଧ୍ୟ କାଶ୍ମୀର ପ୍ରସଙ୍ଗକୁ ସାରା ବିଶ୍ୱରେ ଜଣାଇବା ପାଇଁ ପାକିସ୍ତାନ ମିଳିତ ଜାତିସଂଘ ସଭାରେ ପ୍ରସଙ୍ଗ ଉଠାଇଥିଲା । ହେଲେ ଚଳିତ ଥର ପାକିସ୍ତାନର ଚାଲକୁ ବୁଝି ପାରି ଇମ୍ରାନଙ୍କୁ ସ୍ନେହା ଦୁବେ ଚୁପ କରାଇଦେଇଥିଲେ ।

ବାସ ଏହା ପରେ ସାରା ବିଶ୍ୱରେ ସ୍ନେହା ଦୁବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଯାଇଥିଲେ । ତେବେ ପାକିସ୍ତାନ ହେଉଛି ଆତଙ୍କୀମାନଙ୍କର ଆଡ୍ଡାସ୍ଥଳୀ । ଜାମ୍ମୁ ଓ କାଶ୍ମୀର ଭାରତର ଅବିଚ୍ଛେଦ ଅଙ୍ଗ ଏବଂ ଆଗକୁ ମଧ୍ୟ ରହିବେ । ଏହା ଛଡ଼ା ପାକିସ୍ତାନ ଅଧିକୃତ ଅଞ୍ଚଳ ମଧ୍ୟ ଭାରତର ଅଙ୍ଗବିଶେଷ । ତେଣୁ ପାକିସ୍ତାନ ଆମର ସମସ୍ତ ଅଞ୍ଚଳକୁ ଫେରେଇ ଦେବା ପାଇଁ ଆମେ ଅନୁରୋଧ କରୁଛୁ ବୋଲି ମିଳିତ ଜାତିସଂଘରେ ସ୍ନେହା ଦୁବେ କହିଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ବିଶ୍ୱରେ ଏହା ଚର୍ଚ୍ଚାର ବିଷୟ ପାଲଟିଛି ।