ସୀମାରେ ମୁହାଁମୁହିଁ ମାଓବାଦୀ-ପୋଲିସ
ମାଲକାନଗିରି (ବଡ଼ ଖବର ବ୍ୟୁରୋ): ପୋଲିସକୁ ବଡ ସଫଳତା । ପୁଣି ସୀମାରେ ମୁହାଁମୁହିଁ ହେଲେ ମାଓବାଦୀ-ପୋଲିସ । ଗୁଳି ବିନିମୟରେ ଟଳିଲେ ୩ ମାଓବାଦୀ । ତେଲେଙ୍ଗାନା-ଛତିଶଗଡ ସୀମା ମୁଲୁଗୁ ଜଙ୍ଗଲରେ ଏହି ଗୁଳି ବିନିମୟ ହୋଇଛି । ଏଥିରେ ୩ ମାଓବାଦୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଘଟଣାସ୍ଥଳରେ ଏକେ-୪୭ ବନ୍ଧୁକ, ରାଇଫଲ ଜବତ କରିଛି ପୋଲିସ । ଏହାସହ ସର୍ଚ୍ଚ ଅପରେସନ ଜାରି ରଖିଛି ପୋଲିସ ।ମାଓବାଦୀଙ୍କୁ କଡା ଜବାବ ଦେଉଛି ପୋଲିସ ।
ନିକଟରେ ଓଡ଼ିଶାର ତୁଳସୀପୁର ପାହାଡ଼ ଜଙ୍ଗଲରେ ପୋଲିସ-ମାଓ ଗୁଳି ବିନିମୟ ହୋଇଥିଲା । ଏଥିରେ ଦୁଇ ମହିଳା, ଜଣେ ପୁରୁଷ ମାଓବାଦୀ ପ୍ରାଣ ହରାଇଥିଲେ । ମାଓ ନେତା ସୁନୀଲ ସହିତ ଅନ୍ୟ କିଛି ମାଓନେତା ପୋଲିସର ଆକ୍ରମଣ ପ୍ରତିହତ କରିନପାରି ଛତ୍ରଭଙ୍ଗ ଦେଇଥିଲେ । ତେବେ ଘଟଣାସ୍ଥଳରୁ ଇନସାସ ବନ୍ଧୁକ, ବିସ୍ଫୋରକ ଓ କିଛି ମାଓ ବ୍ୟବହୃତ ସାମଗ୍ରୀ ଜବତ ହୋଇଥିଲା ।
