ଚାଷୀଙ୍କ ମହାପଞ୍ଚାୟତ ପୂର୍ବରୁ ରାକେଶଙ୍କ ଚେତାବନୀ

ଭୁବନେଶ୍ୱର(ବଡ଼ ଖବର ବ୍ୟୁରୋ): କେନ୍ଦ୍ରର ତିନୋଟି କୃଷି ନିୟମ ବିରୋଧରେ କୃଷକମାନେ ବିରୋଧ ଜାରି ରଖିଛନ୍ତି । ଏନେଇ ଉତ୍ତରପ୍ରଦେଶର ମୁଜାଫରନଗରରେ ଆସନ୍ତା କାଲି କୃଷକ ମହାପଞ୍ଚାୟତ ଆୟୋଜନ ହେବାର ସୂଚନା ମିଳିଛି । ଏହି ମହାପଞ୍ଚାୟତରେ ହଜାର ହଜାର ଚାଷୀ ଯୋଗ ଦେଇ ଦୀର୍ଘ ୧୦ ମାସ ଧରି ଚାଲୁଥିବା କୃଷକ ଆନ୍ଦୋଳନରେ ସାମିଲ ହେବେ ।

ଏହା ସହ ଆଗାମୀ ରଣନୀତି ବିଷୟରେ ମଧ୍ୟ ଏହି ମହାପଞ୍ଚାୟତରେ ସ୍ଥିର କରାଯିବ ବୋଲି ସୂଚନା ମିଳିଛି । ହେଲେ ମହାପଞ୍ଚାୟତ ଆରମ୍ଭ ହେବା ପୂର୍ବରୁ କେନ୍ଦ୍ର ସରକାରଙ୍କୁ କଡା ଚେତାବନୀ ଦେଇଛନ୍ତି ରାକେଶ ଟିକାୟତ । ତେବେ ମହାପଞ୍ଚାୟତରେ କେତେ ଲୋକ ଯୋଗଦେବେ ତା’ର ନିର୍ଦ୍ଦିଷ୍ଟ ସଂଖ୍ୟା କହିବା ଅସମ୍ଭବ । କିନ୍ତୁ ମୁଁ ନିଶ୍ଚିତ ଯେ ବିପୁଳ ସଂଖ୍ୟାରେ ଲୋକ ଏକାଠି ହେବେ । ମହାପଞ୍ଚାୟତରେ ଚାଷୀଙ୍କ ଯୋଗଦାନକୁ କେହି ବି ଅଟକାଇ ପାରିବେ ନାହିଁ ।

ଯଦି ସେମାନେ ଆମକୁ ଅଟକାଇବେ ତା’ହାଲେ ଆମେ ଏହି ଗତିରୋଧକୁ ଭାଙ୍ଗିବୁ ଓ ମହାପଞ୍ଚାୟତରେ ପହଁଞ୍ଚିବୁ । ୫ ସେପ୍ଟେମ୍ବରରେ ମୁଜାଫରନଗର ଚାଷୀଙ୍କ ମହାପଞ୍ଚାୟତ ଐତିହାସିକ ହେବ । ଏବଂ ୫ ସେପ୍ଟେମ୍ବରରେ ସମସ୍ତେ ମୁଜାଫରନଗର ଚାଲନ୍ତୁ ବୋଲି କୃଷକ ନେତା ରାକେଶ ଟିକାୟତ କହିଛନ୍ତି ।