ଗୋମାଂସ ଜବତ: ୪ ଅଟକ

କୋଟଗଡ଼, (ବଡ଼ ଖବର ବ୍ୟୁରୋ): କନ୍ଧମାଳ ଜିଲ୍ଲା କୋଟଗଡ଼ ବ୍ଲକ ମାଦାଙ୍ଗୀ ଗ୍ରାମ ବିଦ୍ୟାଳୟ ନିକଟରୁ ଗୋମାଂସ ଜବତ। ପୋଲିସ ଏହି ମାମଲାରେ ଚାରି ଜଣଙ୍କୁ ଅଟକ ରଖିଛି। ଆଜି ସକାଳ ୧୦ଟାରେ ଗୋମାଂସ ରନ୍ଧା ହେଉଥିବା ଖବର ପ୍ରଘଟ ହେବା ପରେ ସ୍ଥାନୀୟ ବଜରଙ୍ଗ ଦଳ ସଦସ୍ୟମାନେ ସେଠାରେ ପହଞ୍ଚି ଅଭିଯୁକ୍ତମାନଙ୍କୁ ଅଟକ ରଖି ପୋଲିସକୁ ଖବର ଦେଇଥିଲେ। ପୋଲିସ ପହଞ୍ଚି ଗୋମାଂସକୁ ପୋତିଦେଇଥିଲେ। ଘଟଣାରେ ସମ୍ପୃକ୍ତ ଚାରି ଅଭିଯୁକ୍ତଙ୍କୁ ଅଟକ ରଖିଛି ପୋଲିସ। ବଜରଙ୍ଗ ଦଳ ଓ ପୋଲିସ କହିବାନୁସାରେ କିଛି ଲୋକ ଗୋମାଂସ ରାନ୍ଧୁଥିବାବେଳେ କିଛି ମାଂସକୁ ଗଛରେ ଝୁଲାଇ ରଖିଥିବା ଦେଖିବାକୁ ମିଳିଥିଲା। ଅଟକ ଅଭିଯୁକ୍ତମାନେ ଅନୁଗୁଳର ବୋଲି ଜଣାପଡ଼ିଛି। ସେମାନେ ଦୀର୍ଘଦିନ ହେବ ମାଦାଙ୍ଗୀରେ ରହି କାମ କରୁଥିଲେ। ଅନ୍ୟପଟେ ମୁଖ୍ୟ ଅଭିଯୁକ୍ତଙ୍କୁ ଧରିବା ସହ ଏଭଳି କାର୍ୟ୍ୟକୁ ପ୍ରଶ୍ରୟ ନ ଦେବାକୁ ଦାବି କରିଛି କୋଟଗଡ଼ ବଜରଙ୍ଗ ଦଳ।