ମୁଗ ଚାଷକୁ କେନ୍ଦ୍ର କରି ପୁଅ-ବୋହୂଙ୍କୁ ହାଣିଲା ବାପା
କେନ୍ଦ୍ରାପଡ଼ା (ବଡ଼ ଖବର ବ୍ୟୁରୋ): ବାପାର ଭୁଜାଲି ଚୋଟରେ ପୁଅ-ବୋହୂ ଗୁରୁତର । ଏଭଳି ଅଭାବନୀୟ ଘଟଣା ଘଟିଛି ଆଳି ଥାନା ସାନ ଆଙ୍କ ଗାଁରେ । ମୁଗ ଚାଷକୁ କେନ୍ଦ୍ର କରି ଘଟିଛି ଅଘଟଣ । ବାପ ଭୁଜାଲି ଚୋଟରେ ପୁଅ ଓ ବୋହୁ ଗୁରୁତର । ଆହତଙ୍କୁ ଆଳି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଅବସ୍ଥା ଗୁରୁତର ହେବାରୁ ଉଭୟଙ୍କୁ କଟକ ସ୍ଥାନାନ୍ତର କରାଯାଇଛି । ମୁଗ ଚାଷକୁ ନେଇ ବାପ ପଚେଇ ବେହେରା ପୁଅ ସହଦେଵ ଓ ବୋହୁ ବାସନ୍ତିଙ୍କ ମଧ୍ୟରେ ବଚସା ହୋଇଥିଲା ।
ବଚସା ପରେ ଉତ୍ୟକ୍ତ ହୋଇ ପଚେଇ ଏକ ଭୁଜାଲି ରେ ପୁଅ ଓ ବୋହୂଙ୍କୁ ଆକ୍ରମଣ କରିଥିଲେ । ଏନେଇ ପୁଅ ଓ ବୋହୂ ଅଭିଯୋଗ କରୁଥିବା ବେଳେ ବାପା ପଚେଇ ଏହାକୁ ଖଣ୍ଡନ କରିଛନ୍ତି । ସେ କହିଛନ୍ତି ମୋତେ ମୋ ପୁଅ ଓ ବୋହୁ ହାଣିଛନ୍ତି । ଏଥିରେ ତେବେ ପଚେଇ ମଧ୍ୟ ଆହତ ହୋଇଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଚଳାଇଛି ।
