ରାଜଧାନୀ ଏକ୍ସପ୍ରେସ୍ରେ ଅଗ୍ନିକାଣ୍ଡ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀ-ନିଜାମୁଦ୍ଦିନ ଯାଉଥିବା ରାଜଧାନୀ ଏକ୍ସପ୍ରେସ (୧୨୪୩୧)ରେ ଅଗ୍ନିକାଣ୍ଡ ଘଟିଛି। ଏହି ଟ୍ରେନ୍ର ଦୁଇଟି କୋଚରେ ଅଗ୍ନିକାଣ୍ଡ ଘଟି ଆତଙ୍କ ସୃଷ୍ଟି ହୋଇଛି। ରବିବାର ସକାଳେ ଏହି ଘଟଣା ଆଲୋଟ ଏବଂ ବିକ୍ରମଗଡ଼ ରେଳ ଷ୍ଟେସନ ମଧ୍ୟରେ ଘଟିଛି। ଅଗ୍ନିକାଣ୍ଡ ଯୋଗୁଁ ଦିଲ୍ଲୀ-ମୁମ୍ବାଇ ରେଳ ରୁଟରେ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି। ଫଳରେ ବିଭିନ୍ନ ଷ୍ଟେସନରେ ଅନେକ ଟ୍ରେନ ଅଟକି ରହିଛି। କୋଚରେ ୬୦ରୁ ଅଧିକ ଲୋକଥିଲେ । ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି । ଅଗ୍ନିକାଣ୍ଡ ପାଇଁ ଦିଲ୍ଲୀ-ମୁମ୍ବାଇ ରେଳ ମାର୍ଗ ପ୍ରଭାବିତ ହୋଇଛି । ଅନେକ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି । ଦିଲ୍ଲୀ ଯାଉଥିଲା ରାଜଧାନୀ ଏକ୍ସପ୍ରେସ୍ । ପ୍ରାରମ୍ଭିକ ତଦନ୍ତରୁ ଜଣାପଡିଛି ଯେ, ଅଗ୍ନିକାଣ୍ଡ ସର୍ଟସର୍କିଟ୍ ଯୋଗୁଁ ଘଟିଥିଲା । ତଥାପି, ସଠିକ୍ କାରଣ ପାଇଁ ତଦନ୍ତ ଜାରି ରହିଛି । ଘଟଣାର ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦିଆଯାଇଛି ।
ଟ୍ରେନ୍ ଭିତରେ ହଠାତ୍ ଧୂଆଁ ବାହାରିଥିଲା ଏବଂ କିଛି ସମୟ ମଧ୍ୟରେ ନିଆଁ ଏକ ଭୟଙ୍କର ଅଗ୍ନିକାଣ୍ଡରେ ପରିଣତ ହୋଇଥିଲା । ତୃତୀୟ ଏସି ଏବଂ ଏସଏଲଆର କୋଚ୍ଗୁଡ଼ିକ ନିଆଁରେ ପୋଡ଼ି ଯାଇଥିଲା । ଧିରେ ଧିରେ ବଢିଚାଲିଥିଲା ନିଆଁ ଫଳରେ ଯାତ୍ରୀଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଗାର୍ଡ ତୁରନ୍ତ ଲୋକୋ ପାଇଲଟଙ୍କୁ ସତର୍କ କରାଇ ଦେଇଥିଲେ ଏବଂ ତୁରନ୍ତ ଟ୍ରେନ୍କୁ ଅଟକାଇ ଦେଇଥିଲେ । ବିଭିନ୍ନ ଷ୍ଟେସନ୍ରେ ଅନେକ ଟ୍ରେନ୍କୁ ଅଟକାଇବାକୁ ପଡିଥିଲା । ନିଆଁ ଦେଖି ଲୋକ ଛାନିଆ ହୋଇଯାଇଥିଲେ ।
ଦୁର୍ଘଟଣାର ଖବର ପାଇ, କୋଟା ରେଳ ଡିଭିଜନର ଏକ ଉଦ୍ଧାର ଏବଂ ରିଲିଫ୍ ଦଳ ଘଟଣାସ୍ଥଳକୁ ପହଞ୍ଚିଥିଲା। କୋଚ୍ ନମ୍ବର B1ରେ ନିଆଁ ଲାଗିଯାଇଥିଲା, ଯେଉଁଥିରେ ୬୮ଜଣ ଯାତ୍ରୀ ଥିଲେ । କିଛି ସେକେଣ୍ଡ ମଧ୍ୟରେ ନିଆଁ ସମଗ୍ର କୋଚ୍ରେ ବ୍ୟାପିଯାଇଥିଲା । ନିଆଁ ଲାଗିବା ବିଷୟରେ ଗାର୍ଡ ପ୍ରଥମେ ଲୋକୋ ପାଇଲଟ୍ଙ୍କୁ ସୂଚନା ଦେଇଥିଲେ । RPF କର୍ମଚାରୀ ଏବଂ ଯାତ୍ରୀମାନଙ୍କୁ ତୁରନ୍ତ ଓହ୍ଲାଇବା ଆରମ୍ଭ କରିଥିଲେ । ପ୍ରାୟ ୧୫ ମିନିଟ୍ ମଧ୍ୟରେ ସମ୍ପୂର୍ଣ୍ଣ କୋଚ୍କୁ ଖାଲି କରାଯାଇଥିଲା । ଦିଲ୍ଲୀ-ମୁମ୍ବାଇ ରେଳ ଟ୍ରାକରେ ଯାତାୟାତ ବନ୍ଦ ହୋଇଯାଇଛି । କୋଟା ଡିଭିଜନର ବରିଷ୍ଠ ଅଧିକାରୀ ଏବଂ ବୈଷୟିକ କର୍ମଚାରୀ ଘଟଣାସ୍ଥଳରେ ପହଞ୍ଚିଛନ୍ତି ।