ବନାଇ (ବଡ଼ ଖବର ବ୍ୟୁରୋ): ଜାଲ ସାର୍ଟିଫିକେଟରେ ଚାକିରି ଅଭିଯୋଗ । ତଦନ୍ତ ପରେ ୫ ଜଣଙ୍କ ନାଁରେ ଥାନାରେ ଏତଲା ଦେଲେ ଲହୁଣୀପଡ଼ା ବ୍ଲକ ଶିକ୍ଷାଧିକାରୀ । ସୁନ୍ଦରଗଡ଼ ଜିଲ୍ଲାର ବିଭିନ୍ନ ଅଞ୍ଚଳରେ ଜାଲ ସାର୍ଟିଫିକେଟ ଦେଇ ଶିକ୍ଷକତା କରୁଥିବା ନେଇ ଅଭିଯୋଗ ହେଉଥିଲା । ପରେ ଜିଲ୍ଲାପାଳ ଏହାର ତଦନ୍ତ ନିର୍ଦ୍ଦେଶ ଦେଇଥିଲେ । ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟରେ ସାର୍ଟିଫିକେଟ ଯାଞ୍ଚ ହୋଇଥିଲା ।
ଯାଞ୍ଚ ପରେ ଶରଧାପୁର ପ୍ରାଥମିକ ବିଦ୍ୟାଳୟର ଦଇତାରି ମହାନ୍ତ, ଜମାଲ ସ୍କୁଲର ପ୍ରଧାନ ଶିକ୍ଷକ ମଦନ ସୁନ୍ଦର ମହାନ୍ତ, ବଳଢିହି ସ୍କୁଲର ଜଗଦୀଶ ସାହୁ, ନନ୍ଦାପଡ଼ା ସ୍କୁଲର ପ୍ରଧାନ ଶିକ୍ଷୟତ୍ରୀ ଡାଳିମ୍ବ ମହାନ୍ତ ଓ ଲହଙ୍ଗାପଡ଼ା ସ୍କୁଲର ଅବସରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ଶୋଭାରାଣୀ ମହାନ୍ତଙ୍କ ନାଁରେ ଲହୁଣୀପଡ଼ା ଥାନାରେ ବିଇଓଙ୍କ ପକ୍ଷରୁ ଏତଲା ଦିଆଯାଇଛି ।
