ଖୋଲିଲା ଗେଟ, ପୋଲ ଉପରେ ୮ ଫୁଟର ପାଣି

ବାରିପଦା  (ବଡ଼ ଖବର ବ୍ୟୁରୋ): ଲଗାଣ ବର୍ଷାରେ ବେହାଲ ସ୍ଥିତି । କପ୍ତିପଦା ଉପଖଣ୍ଡରେ ବନ୍ୟା ପରିସ୍ଥିତି । ଗତକାଲି ରାତିରେ ଶିମିଳିପାଳ ଉପର ମୁଣ୍ଡରେ ଲଗାଣ ବର୍ଷା କାରଣରୁ ସୁନେଇ ଡ୍ୟାମର ଚାରି ଗୋଟି ଗେଟ ଖୋଲାଯାଇଛି । ଯାହା ଫଳରେ ଡ୍ୟାମରୁ ବାହାରୁଥିବା ବନ୍ୟା ଜଳରେ ବିଭିନ୍ନ ନଦୀର ଜଳସ୍ତର ବୃଦ୍ଧି ପାଇଛି । ଏହି ବନ୍ୟାଜଳ ଫଳରେ କପ୍ତିପଦା ମହିଷାସୁରି ପୋଲ ଉପରେ ୮ ଫୁଟ ଉଚ୍ଚର ବନ୍ୟାଜଳ ପ୍ରବାହିତ ହେଉଛି । ଏହି ପୋଲ ସମ୍ପୂର୍ଣ୍ଣ ଭାବେ ବୁଡି ଯାଇଥିବା ବେଳେ ପୋଲର ଗୋଟିଏ ପାଖ କିଛି ମାତ୍ରାରେ ଧୋଇ ହୋଇଯାଇଛି । ଯାହାଫଳରେ ଉଦଳା – ଶାଳଛୁଆ ଏବଂ ସୋର ଯୋଗାଯୋଗ ବାଧାପ୍ରାପ୍ତ ହୋଇଛି । ରାସ୍ତାର ୨ ପାର୍ଶ୍ଵରେ ଯାନବାହନ ଅଟକି ରହିଛି ।