ମାଟ୍ରିକ ପିଲାଙ୍କୁ ମାଗଣା ଟେଷ୍ଟ-ପେପର

ଭୁବନେଶ୍ୱର( ବଡ଼ ଖବର): ମାଟ୍ରିକ ପରୀକ୍ଷାର୍ଥୀଙ୍କୁ ମିଳିବ ମାଗଣା ଟେଷ୍ଟ-ପେପର । ଟେଷ୍ଟ-ପେପର ମାଗଣାରେ ଯୋଗାଇବେ ରାଜ୍ୟ ସରକାର । ଏନେଇ ଗଣଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେଇଛନ୍ତି । ଆସନ୍ତା ୨୨ ତାରିଖ ସୁଦ୍ଧା ତଥ୍ୟ ଦେବାକୁ ସମସ୍ତ ଜିଲ୍ଲା ଶିକ୍ଷା ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି । ତଥ୍ୟ ମିଳିବା ପରେ ଟେଷ୍ଟ ପେପର ଛପାଯାଇ ବିଦ୍ୟାର୍ଥୀଙ୍କୁ ବଣ୍ଟନ କରାଯିବ । ୭୦୦ ପୃଷ୍ଠା ବିଶିଷ୍ଟ ଏହି ବହିରେ ସମ୍ଭାବ୍ୟ ପ୍ରଶ୍ନ ସହ ଉତ୍ତର ମଧ୍ୟ ରହିବ । ବିଦ୍ୟାର୍ଥୀଙ୍କୁ ପରୀକ୍ଷା ପାଇଁ ପ୍ରସ୍ତୁତି କରିବାରେ ସହାୟକ ହେବା ନେଇ ବିଭାଗ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି । ୬ ଲକ୍ଷ ୨୦ ହଜାର ୫୦୮ ଜଣ ବିଦ୍ୟାର୍ଥୀ ଉପକୃତ ହେବେ ।