ବାଲ୍ୟ ବିବାହକୁ ନେଇ ବିବାଦୀୟ ବିଲ୍ ପ୍ରତ୍ୟାହାର କଲେ ଗେହଲଟ
ଜୟପୁର(ବଡ଼ ଖବର ବ୍ୟୁରୋ): ଶେଷରେ ଲୋକଙ୍କ ଆଗରେ ହାର ମାନିଲେ ରାଜସ୍ଥାନ ସରକାର । ରାଜସ୍ଥାନରେ ଏକ ବିବାଦୀୟ ଆଇନକୁ ନେଇ ଦୀର୍ଘ ଦିନ ଧରି ଆନ୍ଦୋଳନ କରାଯାଉଥିଲା । ଏହି ବିରାଟ ଆନ୍ଦୋଳନ ପେର ଏବେ ଏହି ଆଇନକୁ ପ୍ରତ୍ୟାହାର କରିଛନ୍ତି ରାଜସ୍ଥାନର ମୁଖ୍ୟମନ୍ତ୍ରୀ ଅଶୋକ ଗେହଲଟ । ସୂଚନାନୁସାରେ ବାଲ୍ୟ ବିବାହକୁ ବୈଧ ବା ଆଇନଗତ କରିବାକୁ ପିତାମାତାଙ୍କୁ ପଞ୍ଜୀକୃତ କରିବାକୁ ଏକ ଆଇନ ଆଣି ହଟହଟା ହୋଇଛନ୍ତି ରାଜସ୍ଥାନ ସରକାର । ରାଜସ୍ଥାନ ବାଧ୍ୟତାମୂଳକ ରେଜିଷ୍ଟ୍ରେସନ ଅଫ ମ୍ୟାରେଜ ବିଲ ୨୦୨୧ ଗତ ମାସରେ ପାରିତ ହୋଇଥିଲା । କିନ୍ତୁ ଏପର୍ଯ୍ୟନ୍ତ ଏହା ଲାଗୁ ହୋଇପାରିନି ବୋଲି ନାବାଳିକାଙ୍କ ସମେତ ସମସ୍ତ ବିବାହ ପଞ୍ଜିକୃତ ହେବା ଜରୁରୀ ବୋଲି ସେ କହିଥିଲେ ।
ନାବାଳିକାଙ୍କ କ୍ଷେତ୍ରରେ ସେମାନଙ୍କ ପିତାମାତା କିମ୍ବା ଅଭିଭାବକମାନେ ବିବାହ ପଞ୍ଜିକରଣ କରିବା ଜରୁରୀ ବୋଲି ଏହି ବିଲରେ କୁହାଯାଇଛି । କିନ୍ତୁ ପରେ ଏହି ବିଲକୁ ନେଇ ଅସନ୍ତୋଷ ଦେଖା ଦେଇଥିଲା । ଅନେକ ଏହାକୁ ବାଲ୍ୟ ବିବାହକୁ ପ୍ରୋତ୍ସାହନ ଦେଉଥିବା ମଧ୍ୟ କହିଥିଲେ । ବହୁ ସଂଗଠନ ତରଫରୁ ଏହି ବିଲକୁ ଚ୍ୟାଲେଞ୍ଜ କରି ରାଜସ୍ଥାନ ହାଇକୋର୍ଟରେ ଆବେଦନ କରିଥିଲେ । ତେବେ ଆନ୍ତର୍ଜାତୀୟ ଗାର୍ଲ ଚାଇଲ୍ଡ ଡେରେ ଏହି ବିଲକୁ ରାଜ୍ୟପାଳ ଫେରାଇ ଦେବେ ବୋଲି ମଧ୍ୟ କହିଛନ୍ତି । ତେବେ ଏହି ବିଲକୁ ନେଇ ଅଶୋକ ଗେହଲଟ କହିଛନ୍ତି ଯେ, ବାଲ୍ୟ ବିବାହକୁ ସମ୍ପୂର୍ଣ୍ଣ ହଟାଇବାକୁ ସରକାର ଦୃଢ଼ ଇଚ୍ଛାଶକ୍ତିରେ କାମ କରୁଛନ୍ତି ।
विवाहों के अनिवार्य पंजीयन को लेकर सुप्रीम कोर्ट के एक आदेश की भावना के अनुरूप ही राजस्थान विवाहों का अनिवार्य पंजीकरण (संशोधन) विधेयक,2021 लाया गया है।परंतु बाल विवाह को लेकर जो गलत धारणा बन गयी है,तो हम बिल को माननीय राज्यपाल महोदय से अनुरोध करेंगे कि इसे सरकार को पुनः लौटा दें
— Ashok Gehlot (@ashokgehlot51) October 11, 2021
ଆଜି ଏକ ଟ୍ୱିଟ କରି ଅଶୋକ ଗେହଲଟ କହିଚନ୍ତି ଯେ, ରାଜ୍ୟରେ ବାଲ୍ୟ ବିବାହ ହେବା ଉଚିତ ନୁହେଁ । ସରକାର ମଧ୍ୟ ଏ ବାବଦରେ କୌଣସି ଆପୋଷ ବୁଝାମଣା କରିବେ ନାହିଁ । ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଏହି ବିଲ୍ ଅଣାଯାଇଛି । ଯେଉର୍ଥିରେ ସମସ୍ତ ବିବାହ ପଞ୍ଜିକୃତ ହେବା ଉଚିତ ବୋଲି ସେ କହିଛନ୍ତି । ତେବେ ସେ ଆହୁରି ମଧ୍ୟ କହିଛନ୍ତି ଯେ, ବାଲ୍ୟ ବିବାହକୁ ନେଇ ଭୁଲ ଧାରଣା ଥିବାରୁ ଆମେ ରାଜ୍ୟପାଳଙ୍କୁ ବିଲ ଫେରାଇବାକୁ ଅନୁରୋଧ କରିଛୁ । ଆଇନଜୀବୀଙ୍କ ଆଇନଗତ ପରାମର୍ଶ ପରେ ବିଲ୍ ଆଗକୁ ରହିବ କି ନାହିଁ ତାହାର ବିଚାର କରାଯିବ ।
ତେବେ ଉଲ୍ଲେଖଯୋଗ୍ୟ ସେପ୍ଟେମ୍ବର ୧୭ରେ ରାଜସ୍ଥାନ ବିଧାନସଭାରେ ଏହି ବିଲ୍ ପାରିତ ହୋଇଥିଲା ବିରୋଧୀ କଂଗ୍ରେସ ସରକାରଙ୍କ ପାଇଁ କଡ଼ା ପ୍ରଶ୍ନ ଉଠାଇ ଏହାକୁ ବାଲ୍ୟ ବିବାହରେ ଏକ ପ୍ରବେଶ ପଥ ହୋଇଥିବା ଅଭିଯୋଗ କରିଛନ୍ତି ।