ଖପ୍ରାଖୋଲ ଛଚେନବାହାଲିରେ ସୁନାଖଣି ଠାବ!

ପାଟଣାଗଡ଼(ବଡ଼ ଖବର ବ୍ୟୁରୋ): ବଲାଙ୍ଗୀର ଖପ୍ରାଖୋଲ ଛଚେନବାହାଲିରେ ସୁନାଖଣି ଠାବ । ଖପ୍ରାଖୋଲ ବ୍ଲକ ଛଚେନବାହାଲି ଗ୍ରାମର ମହମ୍ମଦ ଜାବେଦ ନାମକ ଜଣକ ବ୍ୟକ୍ତି ତାଙ୍କ ଚାଷ ଜମିରେ କିଛି ଦିନ ଆଗରୁ ନଳକୂପ ଖୋଲିଥିଲେ । ଗତକାଲି ଉକ୍ତ ନଳକୂପରେ ପାଣି ବାହାର କରିବା ସମୟରେ କିଛି ସୁନା ଭଲି ଦେଖାଯାଉଥିବା ପଦାର୍ଥ ଦେଖିବାକୁ ପାଇଥିଲେ । ପରେ ଖପ୍ରାଖୋଲ ତହସିଲଦାରଙ୍କୁ ଖବର ଦେଇଥିଲେ ।

ତହସିଲଦାର ତୁରନ୍ତ ପୋଲିସ ଅଧିକାରୀ ଏବଂ ବିଡିଓଙ୍କ ସହ ମିଶି ଉକ୍ତ ସ୍ଥାନକୁ ଯାଇଥିଲେ ଏବଂ ସେଠାରୁ କିଛି ମାଟି ର ସୋମ୍ପଲ ସଂଗ୍ରହ କରି ଲ୍ୟାବ କୁ ପଠାଯିବ ଏବଂ ଯଦି ତାହା ଲ୍ୟାବରେ ଟେଷ୍ଟ ହେଲା ପରେ ସୁନା କିମ୍ବା କୌଣସି ଧାତୁ ବୋଲି ଜଣାପଡେ ତା ହେଲେ ସରକାରଙ୍କୁ ଜଣାଇଦିଆଯିବ ବୋଲି ସୂଚନା ଦେଇଛନ୍ତି । ଉକ୍ତ ନଳକୂପକୁ ପ୍ରଶାସନ ଦ୍ୱାରା ସିଲ କରି ଦିଆଯାଇଛି ।