ଅସ୍ତରଙ୍ଗ (ବଡ଼ ଖବର ବ୍ୟୁରୋ): ଅସ୍ତରଙ୍ଗ ବ୍ଲକ ପ୍ରାଣୀ ଚିକିତ୍ସାଳୟରେ ଘୋର ଅବ୍ୟାବସ୍ଥା ନେଇ ବଢୁଛି ଅସନ୍ତୋଷ । ଚାଷୀମାନେ ଗୃହପାଳିତ ପ୍ରାଣୀଙ୍କ ପାଇଁ ବୀମା କରିଥିଲେ ବି ସେମାନଙ୍କ ମୃତ୍ୟୁ ପରେ ବୀମା ରାଶି ବର୍ଷ ବର୍ଷ ଧରି ମିଳୁ ନ ଥିବା ଅଭିଯୋଗ ହୋଇଛି । ଫଳରେ ସହାୟତା ପାଇଁ ଲୋକେ ଏହି ଚିକିତ୍ସାଳୟକୁ ଦୌଡ଼ି ଦୌଡ଼ି ନୟାନ୍ତ ହେଲେଣି ।
ନଗରପଞ୍ଚାୟତର ଶଙ୍କର ମଲ୍ଲିକ, ବଡ଼ ନାନପଡ଼ାର ପ୍ରତିମା ବିଶ୍ୱାଳ, ସୁନ୍ଦରର ରେବତୀ ସେନାପତିଙ୍କ ସମେତ ଅନେକ ବ୍ୟକ୍ତି ସେମାନଙ୍କ ଗୃହପାଳିତ ପ୍ରାଣୀଙ୍କ ବାବଦକୁ ବୀମା ଅର୍ଥ ନ ପାଇ ଅସନ୍ତୋଷ ପ୍ରକାଶ କରିଛନ୍ତି । ଏ ବିଷୟରେ ଆମେ ପ୍ରାଣୀ ଚିକିତ୍ସା ଅଧିକାରୀ ଅକ୍ଷୟ ଜେନାଙ୍କୁ ପଚାରିବାରୁ ସେ କହିଲେ, ଆମେ ଉପରିସ୍ଥ ଅଧିକାରୀଙ୍କୁ ଜଣାଇ ଦେଇଛୁ ।
