ଶବକୁ ଦୁଷ୍କର୍ମ ଭୟ, ପାକିସ୍ତାନରେ କବରରେ ପଡୁଛି ତାଲା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କବରରେ ତାଲା । ପାକିସ୍ତାନରେ କବରରେ ପଡୁଛି ତାଲା । ଶବକୁ ଦୁଷ୍କର୍ମ ଭୟ ଥିବାରୁ ଆତ୍ମୀୟମାନେ କବରରେ ତାଲା ପକାଇ ଦେଉଛନ୍ତି । ନେକ୍ରୋଫିଲିଆ ବା ଶବ ସହ ଯୌନ ସମ୍ପର୍କ ବୃଦ୍ଧି ପାଉଥିବାରୁ ମୃତ୍ୟୁ ପରେ ମଧ୍ୟ ମହିଳାମାନେ ପାକିସ୍ତାନରେ ସୁରକ୍ଷିତ ନୁହଁନ୍ତି । ପାକିସ୍ତାନରେ ୪୦ ପ୍ରତିଶତ ମହିଳାଙ୍କର ବିଭିନ୍ନ କାରଣରୁ ମୃତ୍ୟୁ ହୋଇଥାଏ । ପରିବାର ଲୋକେ ମହିଳାଙ୍କ ଶବକୁ କବର ଦେବାବେଳେ ତାଲା ପକାଇବାକୁ ବାଧ୍ୟ ହେଉଛନ୍ତି । କବରର ଚାରିପଟେ ସିମେଣ୍ଟ କାନ୍ଥ କରିବା ସହ ଗ୍ରୀଲ ଲଗାଇ ସେଥିରେ ତାଲା ପକାଇଦେଉଛନ୍ତି ।
ଆନ୍ତର୍ଜାତୀୟ ଗଣମାଧ୍ୟମରେ ଫଟୋ ସହ ଏହି ରିପୋର୍ଟ ପ୍ରକାଶ ପାଇବା ପରେ ବିଶ୍ୱ ସମୁଦାୟ ଚକିତ ହୋଇଯାଇଛି । ଶବ ସହ ଯୌନ ସମ୍ପର୍କ ବା ନେକ୍ରୋଫିଲିଆ ଘଟଣା ପାଇଁ ସ୍ଥାନୀୟ ଲୋକମାନେ ପାକିସ୍ତାନର କଠୋରପନ୍ଥୀ ବିଚାରଧାରାକୁ ଦାୟୀ କରିଛନ୍ତି । ୨୦୧୧ରେ ପାକିସ୍ତାନରେ ନେକ୍ରୋଫିଲିଆର ପ୍ରଥମ ଘଟଣା ଲୋକଲୋଚନକୁ ଆସିଥିଲା । କବରସ୍ଥାନକୁ ଜଗୁଥିବା କର୍ମଚାରୀ ମହମ୍ମଦ ରିଜୱାନକୁ ପୋଲିସ ଗିରଫ କରିଥିଲା । ୪୮ଟି ଯୁବତୀଙ୍କ ଶବ ସହ ମହମ୍ମଦ ରିଜୱାନ ଯୌନ ସମ୍ପର୍କ ରଖିଥିବା ଅଭିଯୋଗ ହୋଇଥିଲା ।