ଶୁଭେଚ୍ଛା ଜଣାଇଲେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ ): ଚନ୍ଦ୍ରୟାନ-୩ର ସଫଳ ପରୀକ୍ଷଣ ପରେ ଇସ୍ରୋ ବୈଜ୍ଞାନିକ ମାନଙ୍କୁ ଶୁଭେଚ୍ଛା ଜଣାଇଛନ୍ତି ମହାମହିମ ରାଷ୍ଟ୍ରପତି ଦ୍ରୌପଦୀମୁର୍ମୁ ଓ ପ୍ରଧାନମନ୍ତ୍ରୀ ନରେନ୍ଦ୍ରମୋଦୀ । ଇସ୍ରୋର ସଫଳତାକୁ ନେଇ ସମସ୍ତେ ଆଶାବାଦୀ । ବୈଜ୍ଞାନିକଙ୍କ ଅକ୍ଳାନ୍ତ ପରିଶ୍ରମର ଏହା ହେଉଛି ସଫଳତା ବୋଲି କହିଛନ୍ତି ମୋଦୀ । ବୈଜ୍ଞାନିକଙ୍କ ଅକ୍ଳାନ୍ତ ପରିଶ୍ରମକୁ ସଲାମ କରିବା ସହ ମହାକାଶରେ ଭାରତ ଏକ ନୂତନ ଅଧ୍ୟାୟ ଲେଖିଲା ବୋଲି ଟ୍ୱିଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ରମୋଦୀ ।

ଗତ୨୦୧୯ରେ ଚନ୍ଦ୍ରୟାନ-୨ ଉତକ୍ଷେପଣ ସମୟରେ ଇସ୍ରୋକୁ ସଫଳତା ମିଳିନଥିଲା । ସେତେବେେଳେ ଇସ୍ରୋର ବୈଜ୍ଞନିକ ଭାଙ୍ଗିପଡିଥିଲେ । ଆଖିରୁ ଝରି ପଡିଥିଲା ଟୋପଟୋପା ଲୁହ । ସେତେବେେଳେ ପ୍ରଧାନମନ୍ତ୍ରୀ ଇସ୍ରୋର ବୈଜ୍ଞାନିକ କେ.ଶିବନଙ୍କ ପିଠି ଥାପୁଡାଇଥିଲେ ଆଉ ଏକ ସଫଳତା ପାଇଁ ଆତ୍ମବିଶ୍ୱାସ ଭରିଦେଇଥିଲେ । ଆଜି ସେହି ଆତ୍ମ ବିଶ୍ୱାସ ପ୍ରତ୍ୟେକ ଇସ୍ରୋ ବୈଜ୍ଞାନିକଙ୍କ ମନକୁ ଦୃଢ କରିଛି ।