୨୫ ବର୍ଷର ରେକର୍ଡ ଭାଙ୍ଗିଛି ତାତି
ଭୁୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ବି କଲବଲ ତାତି । ତତଲା ତାୱାରେ ସିଝିବ ଓଡ଼ିଶା । ଆସନ୍ତା ୫ ଦିନ ଯାଏଁ ସିଭିୟର ହିଟୱେଭ ଆଲର୍ଟ ଜାରି କରାଯାଇଛି । ସ୍ବାଭାବିକଠାରୁ ୬ରୁ ୭ ଡିଗ୍ରୀ ଉପରେ ରହିବ ପାରଦ । ଆଜି ୬ ଜିଲ୍ଲାକୁ ଅରେଞ୍ଜ ଏବଂ ୧୪ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ଗ୍ରୀଷ୍ମ ପ୍ରବାହକୁ ଦେଖି ଝାରସୁଗୁଡା, ସମ୍ବଲପୁର, ସୋନପୁର, ବରଗଡ, ବୌଦ୍ଧ ସମେତ ବଲାଙ୍ଗୀର ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରିଛି ପାଣିପାଗ କେନ୍ଦ୍ର ।
ସେହିଭଳି ସୁନ୍ଦରଗଡ, କେନ୍ଦୁଝର, ନୁଆପଡା, କଳାହାଣ୍ଡି, ନୟାଗଡ, ଖୋର୍ଦ୍ଧା, କଟକ, ଗଞ୍ଜାମ ଓ ଯାଜପୁର ଜିଲ୍ଲାରେ ଅଂଶୁଘାତ ପାଇଁ ୟେଲୋ ୱାଣ୍ଣିଂ ଜାରି କରାଯାଇଛି । ୧୬ ତାରିଖ ଯାଏ ରାଜ୍ୟର ବିଭିନ୍ନ ସ୍ଥାନକୁ ଅଂଶୁଘାତ ପାଇଁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି । ଗତକାଲି ସମ୍ବଲପୁରରେ ୪୬.୧ ଡିଗ୍ରୀ ହୋଇଥିଲା ତାପମାତ୍ରା ରେକର୍ଡ । ଯାହାକି ୨୫ ବର୍ଷର ରେକର୍ଡ ଭାଙ୍ଗିଛି ।