ତିର୍ତ୍ତୋଲ(ବଡ଼ ଖବର ବ୍ୟୁରୋ): କିଛିଦିନ ତଳେ ଆମେ ଦେଖାଇଥିଲୁ ଏକ ଭିଜୁଆଲ । ଡାକ୍ତରଙ୍କ ଭୁଲର ଶିକାର ହୋଇ ଅକର୍ମଣ୍ୟ ବାପାର ଗୋଡ଼ ଭଲ କରିବା ପାଇଁ ଅଢେ଼ଇ ବର୍ଷର ଝିଅ ଖନ ଖନ ହୋଇ ଦରୋଟି ଭାଷାରେ ରାଜ୍ୟ ଏବଂ ଦେଶର ମୁଖିଆଙ୍କୁ ଆକୁଳ ନିବେଦନ କରିଥିଲା । ଭାବିଥିଲୁ ଏ ଖବର ପ୍ରସାରଣ ପରେ ହୁଏତ ମୁଖିଆମାନଙ୍କର ହୃଦୟ ତରଳିବ । ଆଉ ଦୁଷ୍ମନ୍ତ ବେହେରାଙ୍କୁ ବଞ୍ଚିବାର ନୂଆ ଆଶା ମିଳିବ । ହେଲେ ସେମିତି କିଛି ବି ହେଲାନି ।
ନା ରାଜ୍ୟ ସରକାର, ନା କେନ୍ଦ୍ର ସରକାର କେହିବି ଦୁଃଖ ବୁଝିଲେନି । ଗୋଟିଏ ପଟେ ଅଭାବ ଆଉ ଅନ୍ୟ ପଟେ ଅକର୍ମଣ୍ୟ ହୋଇ ପରିବାରର ବୋଝ ଦୁଷ୍ମନ୍ତ ପାଇଁ ଅସହ୍ୟ ହୋଇପଡିଛି । ଦୁଃଖ ଓ କଷ୍ଟ ସମ୍ଭାଳି ନପାରି ଦୁଷ୍ମନ୍ତ ଆଜି ସକାଳୁ ଆତ୍ମହତ୍ୟା ଉଦ୍ୟମ କରିଥିଲେ। ଠିକ୍ ସମୟରେ ତାଙ୍କ ମା ଦେଖି ପାଟି କରିଥିଲେ । ପରିବାର ଅନ୍ୟ ସଦସ୍ୟମାନେ ପହଞ୍ଚି ଯିବାରୁ ବଞ୍ôଚଯାଇଛନ୍ତି ଦୁଷ୍ମନ୍ତ ।
