ଭୁବନେଶ୍ୱର, (ବଡ଼ ଖବର ବ୍ୟୁରୋ): ହୁ ହୁ ହୋଇ ବଢିଚାଲିଛି ପିଆଜ ଦର । ପିଆଜ ଏବେ କାଟିଲା ବେଳେ ନୁହେଁ କିଣିଲା ବେଳେ ଆଖିରେ ଆସୁଛି ଲୁହ । ଗତ ଦୁଇମାସ ଧରି ଲଗାତର ପିଆଜ ଦର ବଢି ଏବେ ୮୦ଟଙ୍କାରେ ପହଁଚିଛି । ପିଆଜକୁ ହାତମାରିବା ପଇଁ ବି ଡ଼ରିଲେଣି ଖାଉଟି । ଆନ୍ଧ୍ରପ୍ରଦେଶ, କର୍ଣ୍ଣାଟକ ଭଳି ପିଆଜ ଆମଦନି ହେଉଥିବା ରାଜ୍ୟଗୁଡ଼ିକରେ ବର୍ଷା ହୋଇଯିବା କାରଣରୁ ପିଆଜ ସବୁ ନଷ୍ଟ ହୋଇଯାଇଛି । ବର୍ତ୍ତମାନ ପିଆଜ ଉପରେ କେବଳ ନାସିକ ବଜାର ଉପରେ ନିର୍ଭର କରାଯାଉଛି । ସେହି କାରଣରୁ ଦର ବୃଦ୍ଧି ହୋଇଥିବା କହିଛି ଖାଉଟି କଲ୍ୟାଣ ବିଭାଗ । ନୁତନ ଫସଲ ଆମଦାନି ନହେବା ପର୍ଯ୍ୟନ୍ତ ଦର ଏମିତି ରହିବ ବୋଲି କହିଛି ବିଭାଗ । ତେବେ ବଜାରରେ ପିଆଜର କଳାବଜାରି ଉପରେ ନଜର ରଖିବା ପାଇଁ ସବୁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇଛନ୍ତି ଖାଉଟି କଲ୍ୟାଣ ସଚିବ । ଏନେଇ ଗତକାଲି ରଜ୍ୟର ସମସ୍ତ ଜିଲ୍ଲାପାଳଙ୍କୁ ଚିଠି ଲେଖିଛନ୍ତି ସଚିବ ।
