ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଗତ ଚାରି ମାସ ଧରି ଜଳୁଛି ମଣିପୁର। ମଣିପୁର ହିଂସାକୁ ନେଇ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ଏକ ସାକ୍ଷାତକାରରେ କହିଛନ୍ତି ଯେ ହିଂସା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କିମ୍ବା କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଦାୟୀ କରିବା ଉଚିତ ନୁହେଁ । ସେ କହିଛନ୍ତି ଯେ ମଣିପୁରରେ ଅଶାନ୍ତି ଦେଖାଦେଇଛି । ପ୍ରଧାନମନ୍ତ୍ରୀ କିମ୍ବା ଗୃହମନ୍ତ୍ରୀଙ୍କୁ କେହି ବି ସମାଲୋଚନା କରୁନାହାଁନ୍ତି। କେନ୍ଦ୍ର ସରକାରଙ୍କ ଯୋଗୁଁ ଏହା ଘଟୁଛି ବୋଲି କେହି କହୁ ନାହାଁନ୍ତି।
ପୂର୍ବରୁ ଯଦି କିଛି ବି ଘଟୁଥିଲା ତେବେ ଦୋଷ ଦିଲ୍ଲୀ ଉପରେ ଆସୁଥିଲା । ଏବେ ଲୋକମାନେ ଜାଣନ୍ତି ଯେ ଏହା ଆମର ସଂଘର୍ଷ, ଏହାର ଦିଲ୍ଲୀ ସହିତ କୌଣସି ସମ୍ପର୍କ ନାହିଁ । ଅନାସ୍ଥା ପ୍ରସ୍ତାବକୁ ନେଇ କହିଛନ୍ତି ଯେ ସଂସଦରେ ବିରୋଧୀଙ୍କ ଗତିବିଧି ବିପୁଳ ପରିମାଣରେ ହ୍ରାସ ପାଇଛି। ସରକାରଙ୍କୁ ମଣିପୁରରେ ପ୍ରସଙ୍ଗରେ ଘେରିବା ରଣନୀତି ଫିକା ପଡ଼ିଛି । ଦୁଇ ଘଣ୍ଟାରୁ ଅଧିକ ସମୟ ଧରି ପ୍ରଧାନମନ୍ତ୍ରୀ ମୋଦିଙ୍କ ଭାଷଣ ବିରୋଧୀଙ୍କୁ ବିବ୍ରତ କରିଥିଲା।
