ବେଆଇନ ବାଲି ଚୋରା ଚାଲାଣ, ମାଡି ବସିଲା ବନ ବିଭାଗ

ସାହାରାପଡ଼ା (ବଡ଼ ଖବର ବ୍ୟୁରୋ): କେନ୍ଦୁଝର ଜିଲା ପାଟଣା ତହସିଲ ଡୁମୁରିଆ ବୈତରଣୀ ନଦୀ ଘାଟରୁ ଦିନ ଦ୍ୱିପ୍ରହରରେ ବେଆଇନ ଭାବେ ଚୋରାଚାଲାଣ ହେଉଥିଲା ବାଲି  । କୌଣସି ସୂତ୍ରରୁ ଖବର ପାଇ ବନବିଭାଗ ଅଚାନକ ଚଢ଼ାଉ କରି ଦୁଇଟି ବାଲି ବୋଝେଇ ହାଇୱା ଜବତ୍ କରିଛି। ତେବେ ବାଲି ମାଫିଆଙ୍କ ଏବେ ବୈତରଣୀ ନଦୀ ଉପରେ ନଜର ପଡିଥିବା ବେଳେ ଏହି ଅଞ୍ଚଳରେ କାଠ,ବାଲି, ପଥର ବ୍ୟାପକ ମାତ୍ରାରେ ମାଫିଆମାନ ଚାଲାଣ କରୁଥିବା ଜଣାପଡିଛି।

ଏହି ଚଢ଼ାଉରେ ପାଟଣା ରେଞ୍ଜର ବନ ବିହାରୀ ସର୍ଦ୍ଦାର,ପାଟଣା ବନପାଳ ପିଅନ ନାଏକ, ସାହାରପଡ଼ା ବନପାଳ ଭୂପତି ସେଠୀ, ମାଛଗଡ ଗାର୍ଡ ଦୀପକ ରଣା, ତଣ୍ଡୋ ଗାର୍ଡ ଦେବଯାନୀ ମହାନ୍ତ ଓ ମୋବାଇଲ ସ୍କ୍ୱାଡ ଚଢ଼ାଉରେ ସାମିଲ ହୋଇଥିଲେ।