ପ୍ଲାଟଫର୍ମ ଟିକେଟ ଦର ବୃଦ୍ଧି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବୃଦ୍ଧି ପାଇଲା ପ୍ଲାଟଫର୍ମ ଟିକେଟ ମୂଲ୍ୟ । ୧୦ ଟଙ୍କା ଥିବା ରେଳବାଇ ପ୍ଲାଟଫର୍ମ ଟିକେଟର ମୂଲ୍ୟ ଶୁକ୍ରବାର ଦିନ ୫୦ଟଙ୍କା ବୃଦ୍ଧି କରାଯାଇଛି । ଏନେଇ ଭାରତୀୟ ରେଳବାଇ ପକ୍ଷରୁ ସୂଚନା ଦିଆଯାଇଛି । ସମ୍ପ୍ରତି ଏହି ଦର ବୃଦ୍ଧି ଦିଲ୍ଲୀ ଜୋନ୍ ପାଇଁ ଲଞ୍ଚ କରାଯାଇଛି । ରେଳବାଇର କହିବା ଅନୁଯାୟୀ, ଷ୍ଟେସନ ଗୁଡ଼ିକରେ ହେଉଥିବା ମତ୍ରାଧିକ ଜନଗହଳି ରୋକିବା ନିମନ୍ତେ ପ୍ଲାଟଫର୍ମ ଟିକେଟ୍ ଦର ବୃଦ୍ଧି କରାଯାଇଛି ।

ଅନ୍ୟପଟେ ପୂର୍ବତଟ ରେଳପଥର ଜନସମ୍ପର୍କ ଅଧିକାରୀ କହିଛନ୍ତି ଯେ, କରୋନା ଭୂତାଣ ସଂକ୍ରମଣଜନିତ କଟକଣା ସମୟରୁ ପୂର୍ବତଟ ରେଳବାଇ ଅଧିନରେ ଥିବା ସମସ୍ତ ଷ୍ଟେସନରେ ପ୍ଲାଟଫର୍ମ ଟିକେଟ ବିକ୍ରି ବନ୍ଦ ରହିଛି । ଭୁବନେଶ୍ୱର ସମେତ ଏହି ସବୁ ଷ୍ଟେସନ ଗୁଡ଼ିକୁ ଯାତ୍ରୀମାନଙ୍କ ବ୍ୟତୀତ ଅନ୍ୟ ବ୍ୟକ୍ତିବିଷେଙ୍କ ପ୍ରବେଶ ନିଷେଧ କରାଯାଇଛି । ପରିସ୍ଥିତିକୁ ଦେଖି ବିଭିନ୍ନ ଜୋନ୍ ପ୍ଲାଟଫର୍ମ ଟିକଟେ ଦର ବଢାଇ ପାରିବେ ।